› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年09月14日

【獨家】係愛呀!抱完再錫 白只顏卓靈一條街咀足12次

285,901
最後更新: 0914 12:53 / 建立時間 (HKT): 0914 00:01

【新增回應】

愛情嘅奥妙之處,就係有好多嘢,你永遠估唔到!

明明男嘅其貌不揚,偏偏就媾女無數,旁人搲爆頭諗極唔明。不過齋睇外貎,又確係有啲啲膚淺,成功媾女嘅精要,當然唔止淨係睇個樣。

舊年6月,23歲顏卓靈同大自己14年嘅白只,喺九龍城激咀驚爆戀情。(新聞連結:http://bit.ly/2jmOHFh )呢篇娛樂報道,令唔少人下巴跌到落肚臍。不過顏卓靈就深明愛情嘅真諦,只放大身邊人嘅優點,得出嘅結論係:「白只成熟又搞笑。」

拍拖超過1年,被指係「美女與野獸」最佳人辦嘅佢哋,原來戀火持續高溫,每當喺埋一齊時,更進入眼中只有對方嘅忘我境界。

日前(10日)晚上約8點,《蘋果》見到白只揸住佢架黃色戰車,駛到尖東近科學館停低,旁邊就坐住佢女友顏卓齡。一落車,白只就二話不說,將女友成個抱起,先嚟咀對咀錫兩啖熱吓身。之後佢哋再沿路行去香格里拉酒店方向。二人沿途手揈揈,其間白只再度情不自禁,錫吓女友手背,而女嘅亦唔執輸,飛快咁錫咗男友塊面一啖。

二人當晚搵地方食晚飯,當上電梯時,白只含情脈脈望實女友,然後攬實女友腰,哄埋對方塊面錫錫。唞兩唞回吓氣,又再四目交投……單單一條電梯嗰10數秒時間,二人已經咀咗5次。而計埋喺條街嘅錫錫次數,記者目測最少錫咗12次。小情侶最後揀咗商場入面嘅印度菜食晚飯。不過睇餐牌嗰陣,佢哋又捉實對方手,互搓玩手指。睇佢哋個樣,就算唔食飯,淨係飲面前杯水,都已經飽晒囉。

顏卓靈今日回覆《蘋果》時話:「又突襲我哋嘅!條片製作得好有心,好搞笑,多謝你哋。」顏卓靈話呢排忙緊錄新歌。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載