› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年09月26日

【聽日56歲牛一】囡囡抹腳片流出 華仔冧爆:大家都睇到啦

26,698
最後更新: 0926 10:56 / 建立時間 (HKT): 0926 10:30

劉德華同甄子丹主演嘅電影《追龍》,噚晚喺又一城舉行首映禮,吸引咗幾百人圍觀。聽日(27日)係華仔56歲生日,大會特別準備咗蛋糕同佢慶祝,至於壽星仔嘅生日願望就係《追龍》大賣。

華仔同子丹一齊接受訪問,提到黃日華曾經講戲份被剪好多,華仔都話每人大約剪走咗20%,仲話如果反應好,都叫王晶放番啲出嚟或者出DVD。問到係咪可以分上下集?華仔笑言:「我哋包一集㗎咋!」

另外,之前華仔fans club聚會片流出,華仔笑言每年都會有臥底出現,不過都係開心事。華仔又話:「今年生日冇乜特別,都係同屋企人食下飯,冇乜特別慶祝,近年去旅行都少。」講到聚會上播出嘅短片,見到佢囡囡幫佢抹腳好感動,華仔笑住話:「大家都睇到啦!都唔使我講啦!」至於太太話等佢起身,華仔就有啲尷尬咁話:「大家留意佢哋啲報道啦!」

演大毒梟跛豪嘅子丹就話,大家對部戲都好有野心,所以拍咗好多,剪咗係有可惜嘅!問子丹係咪剪咗好多動作戲?佢話:「乜都有啲啦!(拍上下集?)我收好平㗎咋!」重演跛豪嘅子丹,噚晚都有請第一代跛豪兼好友呂良偉捧場,子丹話佢係呢個角色經典,有參考對方,但自己有自己方法演。問佢有冇信心打敗吳京嘅《戰狼II》?子丹話:「唔使話打贏邊個,大家都係華語片,觀眾有唔同選擇,唔係剩係睇一部戲咁悶。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載