› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年09月26日

【孖仔點嘅樣?】姪女湯洛雯同羅天宇同居 湯鎮業:唔理得咁多

95,446
最後更新: 0926 11:30 / 建立時間 (HKT): 0926 11:07

噚晚《追龍》首映,湯鎮業、黃日華都有出席,湯鎮業仲帶埋一對22歲孖仔到場,黃日華仲搞笑話:「孖仔高大威猛,好過你舊時呀!」問湯鎮業有冇見過華仔囡囡?佢就話華仔都好保護,但就見過黃日華囡囡黃芷晴,仲話覺得佢似媽咪多啲。

提到姪女湯洛雯傳同羅天宇同居?湯鎮業話:「唔理得咁多,後生鍾意乜就乜,都少見,自己同仔住都少溝通啦,仔大仔世界,而且教都未必聽,可能我哋讀得書少,佢哋讀得書多,時代唔同咗。」

講到今次三虎合作好難得,但冇三個人同場,只係各自同華仔有戲。問到私下有冇聚會?湯鎮業就話都少,因為佢都成日唔喺香港,黃日華亦話希望下次有機會三個人同場演戲。

另外,周麗淇(Nikki)喺戲中演子丹前妻,拍三、四日,要素顏演出都係第一次。佢話拍前諗住唔太辛苦,但最凍嗰幾日要拍落水戲,自己又唔識游水,「套戲講我浸死咗,子丹哥好多回憶咁啦!」

Nikki又話:「嚟緊會拍《再創世紀》同安仔(郭普安)好多對手戲,會專心拍,唔會接其他嘢住,遲啲會去布拉格開工。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載