› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年10月13日

【狗仔出更】乜又係你呀?35歲失婚唐寧 偕新歡漁夫帽男漫步中環

289,731
建立時間 (HKT): 1013 00:02

被封為「凍齡靚媽」、現年35歲嘅唐寧,今年6月凌晨忽然爆出同結婚7年嘅老公鄧偉傑離婚,至於一對仔女,以後就會跟媽媽生活,父母雙方承諾共同擁有撫養權。一直同老公、一對仔女居於大埔黃魚灘村嘅佢,原來年初已經搬咗去大埔嵐山新居過新生活,就連公司地址都已經轉埋。(新聞連結:http://bit.ly/2yeVULa)

金童玉女忽然驚爆離婚,傳聞紛紜,就連蘇玉華亦被牽進內,導演彭秀慧情史被翻,被指當年是鄧偉傑和前女友蘇玉華的第三者。(新聞連結:http://bit.ly/2sihxY8)

至於離婚因由,當日就曾傳出是因為女方秘交新歡,故鄧偉傑雖極力挽留,但唐寧去意已決。有報道更拍得她與一名戴Cap帽的男子護送佢返屋企,兩人雖未有親熱舉動,但一直有講有笑。在唐寧離婚這段困難時刻,這名男友人能陪伴在側,且與唐寧有講有笑,應是關係匪淺。

已經復出開拍劇搵錢養家嘅唐寧,生活逐步回復正常,噚日下晝5點幾,《蘋果》喺中環見到唐寧,不過同行嘅唔係佢嘅經理人,而係早前曾經俾人到護送佢返屋企嘅Cap帽男子,今次佢哋兩個人嘅打扮襯到絕,男嘅帶咗一頂漁夫帽短褲look,女嘅亦都係戴住漁夫帽,不過佢係着住長裙兼孭住一個tote bag!

嗰陣佢哋沿住皇后大道中並排咁行,期間見佢哋兩個邊行邊傾,唐寧仲笑得好開心,行到咁上下,唐寧入咗去銀行㩒機,漁夫帽男好有風度咁幫手開門,甚至㩒機嗰陣都有幫手昅實啲環境。不過唔知係咪中環人流太多,唐寧對住漁夫帽男都有啲避忌,之後一齊行去中環中心拎車走人。

《蘋果》事後亦有向唐寧了解,係咪有新戀情,不過佢透過經理人話:「私人事唔回應。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載