› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年10月13日

【華姐港姐】《港生活·港享受》專出女神? 張曦雯麥明詩英文「嘞嘞聲」

197,706
建立時間 (HKT): 1013 00:01

36歲嘅楊洛婷03年參選香港小姐入行,14年同大台約滿離巢,喺大台十年最廣為人知就係喺兒童節目《問問Master Joe》入面嘅AI Rabee'a,除此之外就應該係明珠台《港生活·港享受》,佢一口流利嘅英文亦係最多人知,其實呢個節目都有唔少英文「嘞嘞聲」嘅靚女o架!

張曦雯
27歲嘅張曦雯參加12年嘅華姐入行,曾經移民過美國芝加哥嘅佢一口流利嘅英文,仲成為明珠台《港生活·港享受》主持,除此之外,佢仲喺《東張西望》主持預告明珠台節目嘅《Pearl Tonight》,仲因為呢個環節仲受網民力捧。

岑杏賢
2012年港姐「最上鏡小姐」29歲嘅岑杏賢,相信唔少人對佢印象就係袁偉豪前女友,港姐出身嘅佢身材當然唔輸蝕,不時喺IG晒長腿,而佢嘅學歷亦都有咁上下,喺26歲時已經係香港理工大學諮商與輔導文學碩士畢業,英文當然難唔到佢啦!

邵珮詩
14年港姐冠軍兼「最上鏡小姐」兼「友誼小姐」嘅邵珮詩,雖然有「三料港姐」之名不過星運平平,身為維他奶創辦人嘅後人相信都返啲家底,而佢喺加拿大長,畢業於哥華西門菲莎大學,大台喺15年被安排加入主持《港生活·港享受》。

麥明詩
英文「嘞嘞聲」嘅又點少得「十優港姐」麥明詩,喺劍橋大學法律系畢業佢一口英式英文當然係贏晒!對佢嚟講主持只係一腳踏腳石,事關冇耐之後就被安排拍劇拍戲。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載