› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2009年07月25日

33頁小說逾百錯字屎上最強
全城 o靚模群插 Stephy

175,797

【09書展星戰場】向來以才女自居的鄧麗欣( Stephy)今年在書展推出愛情小說《陪著我走》,卻被踢爆書中錯字多得離譜,33頁文字,錯處卻多達109個,等同獻醜全紀錄。雖然 Stephy昨日公開道歉,但仍死撐因新學普通話拼音輸入法致揀錯字,解釋牽強,完全無法淡化其中文基礎欠佳的事實,難怪昨日惹來全城狂插, o靚模周秀娜、 Kama及 A.Lin等8模齊心聲討,死敵傅穎更以四聲哈回應。

鄧麗欣日前直斥 o靚模越着越少布,影響風氣教壞細路,但其愛情小說《陪著我走》則不同,穿三點式玩濕身乃因應劇情需要,描述她失戀上郵輪散心,着泳衣游吓水合情合理。不少人對這位25歲才女的新書引頸以待,希望從其文字中感受玉女情懷,沒想到看在眼裏的,竟是滿目瘡痍的錯別字。其144頁的小說中,文字佔33頁,但錯處竟多達109個。

狡辯輸入法累事

Stephy昨日到書展出席港台活動,其經理人陳小姐先交代「爛小說」事件,她說:「 Stephy出書好趕,佢第一次用拼音輸入法,咁會騷啲同音異字出嚟,校對將未校好嘅稿拎出去印,公司嘅解決辦法係推出正確嘅純文字版,日內喺金牌大風個網頁同 Stephy嘅 blog公佈點換領。」
一臉歉意的 Stephy甫開腔即道歉說:「我真係好認真同大家講,好抱歉有咁嘅事發生,係一時嘅疏忽,自己唔識打字,第一次打國語拼音輸入法,係新學,好多同音異字出嚟,一時錯漏揀錯字,自己亦都太依賴校對,所以冇睇多一次先。」不過其解釋相當難以接受,因 Stephy的普通話不強,用普通話拼音輸入法已出奇;再者無論用那一種輸入法都由打字者選字,識字與識打字更是兩碼子事。

傅穎:哈哈哈哈

問 Stephy會否擔心被拿來與同樣出書的傅穎( Theresa)作比較,她說:「冇諗過,今次事件係教材,喺學習中吸取教訓,下次小心啲。」又強調做錯事會承認,故多謝向傳媒發放電郵的爆料者。她重申出書信心不會受打擊,難怪昨日她夠膽贈書給同場的才子劉天賜。
Stephy的宿敵傅穎曾是屎上走音最強女歌手,風水輪流轉,輪到 Stephy新書成為屎上最強。問 Theresa會否覺得 Stephy新書錯字多教壞細路?她昨在電話中笑說:「我未睇佢本書,哈哈哈哈!唔回應啦。」
曾被 Stephy暗寸的周秀娜昨日也即刻報仇,她在電話中說:「佢係咪另一種宣傳手法?邊有錯得咁離譜,我就冇興趣睇,如果大家睇佢本書睇得咁躁,買番本我好多畫面嘅寫真集調和吓。」羅凱珊( Kama)昨在上環慶祝寫真賣出1萬本,獲緋聞師兄 James(何尚謙)專程撐場,對於 Stephy新書錯漏百出, Kama說:「其實應該好好修改好先擺出街。」

方力申獨撐女友

昨日在書展開簽名會的8模也齊心插 Stephy,指她出書前應細心校對, Isabel說:「當然要小心啲,睇清楚先出。」 DaDa說:「出書前可以再校對一下,可能佢想表達口語化文化。」容祖兒昨現身商台時也提及 Stephy,她說:「我同佢有一面之緣,唔算好熟,佢係一個好堅強嘅女仔。」問她覺得出書前是否應做好校對工作?她說:「校對係出書必做嘅。」
此外,昨日惟獨方力申力排眾議撐緋聞女友 Stephy,他在浸會大學出席活動時說:「我會叫佢唔好氣餒,一定要繼續寫,我會撐佢,亦都會睇佢本書。」
採訪:馬建華、李珮洳、王連連、藍文浩
攝影:陳俊強、黃文成、仇志德

A貨才女完全錯字表

也許才女出書太倉促,也許只顧執相忘記校對,全書竟出現逾百錯別字,錯誤方式比小說結局更出人意表。也許這本每頁均隱藏錯字、一讀一驚心的《陪著我走》,其實是教人認清錯別字的讀物,才女的苦心我們心領了。

錯字:濛瀧 正字:矇矓
錯字:濛濃×2 正字:矇矓
錯字:窗廉×2 正字:窗簾
錯字:豆槳 正字:豆漿
錯字:磞磞跳 正字:蹦蹦跳
錯字:藍苺×3 正字:藍莓
錯字:游來浮去 正字:游來游去
錯字:淺踏 正字:踐踏
錯字:泡抹×2 正字:泡沫
錯字:頭昏腦漲 正字:頭昏腦脹
錯字:刻服 正字:克服
錯字:晢學 正字:哲學
錯字:吞逝 正字:吞噬
錯字:遊盪 正字:遊蕩
錯字:抬×4 正字:枱
錯字:換醒 正字:喚醒
錯字:可況 正字:何況
錯字:戒子×2 正字:戒指
錯字:磨菰×2 正字:蘑菇
錯字:趟在床上 正字:躺在床上
錯字:番過身來 正字:翻過身來
錯字:一顆樹木 正字:一棵樹木
錯字:停拍 正字:停泊
錯字:入場卷 正字:入場券
錯字:一拼×2 正字:一併
錯字:漫漫地 正字:慢慢地
錯字:混鈍 正字:混沌
錯字:呼換×2 正字:呼喚
錯字:瘙癢 正字:搔癢
錯字:語重心腸 正字:語重心長
錯字:媛媛地×2 正字:緩緩地
錯字:曠音器 正字:擴音器
錯字:瀝瀝在目 正字:歷歷在目
錯字:猶疑×3 正字:猶豫
錯字:車箱 正字:車廂
錯字:櫃抬 正字:櫃枱
錯字:靜俏俏×2 正字:靜悄悄
錯字:煩腦 正字:煩惱
錯字:莫明奇妙 正字:莫名其妙
錯字:實淺×2 正字:實踐
錯字:搖藍 正字:搖籃
錯字:寬趟 正字:寬敞
錯字:凡多 正字:繁多
錯字:刺熱 正字:熾熱
錯字:肩傍×4 正字:肩膀
錯字:掙不開眼 正字:睜不開眼
錯字:淋郎滿目 正字:琳瑯滿目
錯字:收獲 正字:收穫
錯字:有點綑 正字:有點睏
錯字:釘著 正字:盯著
錯字:長雙廝守×2 正字:長相廝守
錯字:無耐地 正字:無奈地
錯字:巡回 正字:巡迴
錯字:作遂 正字:作祟
錯字:游了二十個堂×3 正字:游了二十個塘
錯字:略過 正字:掠過
錯字:不憤×2 正字:不忿
錯字:香賓×2 正字:香檳
錯字:香繽×2 正字:香檳
錯字:橢圓型 正字:橢圓形
錯字:碌碌眼睛 正字:睩睩眼睛
錯字:畢挺 正字:筆挺
錯字:仕應 正字:侍應
錯字:背境 正字:背景
錯字:萬眾期代 正字:萬眾期待
錯字:驚顎 正字:驚愕
錯字:迷底 正字:謎底
錯字:從新×2 正字:重新
錯字:駐定 正字:注定
錯字:久遺 正字:久違
錯字:眼框×2 正字:眼眶
錯字:俏俏地 正字:悄悄地
錯字:急速 正字:急促
錯字:階斷 正字:階段
錯字:柔暗 正字:幽暗
錯字:紅根 正字:紅筋
錯字:難已抗拒 正字:難以抗拒
錯字:零晨×2 正字:凌晨
錯字:啟事 正字:啟示
錯字:寂莫 正字:寂寞

資料來源:《陪著我走》、《辭海》

今日簽名會時間

1:30pm 葉翠翠《我和你》
2:00pm 羽翹《純白之羽》
2:00pm  Asa、 Annabella《 SALALA's》
2:00pm 黃翠如《宅女皇下凡》
3:00pm 周秀娜《 Kissy Chrissie》
3:00pm 朱薰《朱薰 e潮語新聞字》
3:00pm 吳日言《 Star Trekker沖繩》
6:00pm 劉以達《流浪漢世界盃》 DVD

資料來源:香港書展

今日看點

•周秀娜書展獻吻會否引起混亂?

•歌手羽翹和 o靚模 Annabella及 Asa同時舉行簽名會鬥搶客,睇吓邊個最少人。

•神秘女藝人將於下午現身書展打游擊造勢。

花絮
信和商場禁 o靚模

信和集團旗下商場昨日加入反 o靚模行列,發言人蘇蔡潔蓮說:「班 o靚模心智未係好成熟,日後我哋旗下商場嘅地產活動一定唔會再用 o靚模,其他類型活動都暫時唔會搵。」
無綫今晚舉行的《2009香港先生選舉》原本也找來 o靚模 Lavina和 Rainbow任評判,但因無綫總經理陳志雲嫌 o靚模形象負面,故轉軚改請 HotCha(圖)和江若琳等做評判。 HotCha昨在旺角宣傳,明日她們在書展搞簽名會,撞正 Angelababy, Regen大讚 Baby靚女,但不會踩場索簽名。

江若琳新書賣友情

江若琳(圖)今年在書展推出新作《小公主浪跡天涯》,並於明天舉行簽名會造勢,其新作為遊記,私相簿中雖有泳衣照,她的身材卻不及 o靚模澎湃,不過她邀請了劇集《學警狙擊》的拍檔吳卓羲、謝天華和苗僑偉撐場寫序。此外,江若琳今晚有份擔任港男評判,她說:「好緊張,我諗佢哋行近,我會面紅同尷尬。」

周中斥派奶好淫穢

周中師傅(圖)昨在電視城錄影《星級廚房》,今年 o靚模在書展內群起出寫真,當中包括與他合作多時的味之天使。談到 o靚模熱,周中說:「又派奶又派雪糕,唔知原來咁 hit,不過好淫穢,教壞細路,少男少女會有樣學樣,仲有啲細嘅都會睇電視,咁嘅風氣唔係咁好囉!呢啲唔係正常嘅性教育,性教育應該喺學校學。我都明白佢哋要搵食,但係有時剎那光輝好快會冇,讀多啲書好過啦!」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載