壹週Plus Sudden+ 飲食男女 me! FACE Ketchup 交易通.搵車快線 Tomonews nxTomo
2013年06月20日

電視撈飯:
莊思敏o靚妹玩到喪濕身

112,843

莊思敏、李綺雯(𡃁妹)、姚子羚、林盛斌(Bob)同郭田葰等日前去咗長隆拍無綫節目《反斗紅星放暑假》,寓工作於娛樂,鏡頭前後個個都玩到癲晒,game騷鐵膽莊思敏(Jacquelin)話:「今次第三次去長隆,但次次人腳都唔同,所以每一次都好好玩,成班人玩到癲晒。」
Jacquelin透露玩咗多款唔同水上遊戲,佢同郭田葰、阿Bob、姚子羚同𡃁妹李綺雯仲玩到濕晒身㖭,好鬼瘋狂。見佢哋幾個女仔喺鏡頭前,個個都泳衣加背心,似乎唔夠清涼喎,Jacquelin話:「始終係合家歡節目,而且為咗保障大家安全,所以咪着多啲衫。」

搶救阿Bob

不過,喺其中測試男藝人體能嘅遊戲中,發生咗小插曲,Jacquelin話:「阿Bob同郭田葰要搬啲大水泡上幾層樓,中途見到阿Bob跑到喘晒氣,塊面青晒,好似想死咁,搞到大家都勁驚。」係咪驚要同佢做人工呼吸呀?佢話:「如果係嘅話,都希望可以救佢一命,可以救到佢都會。」提到形象指導「綠魔」Karl近期成為熱門話題,扮嘢扮上癮嘅阿Bob當然唔放過呢個機會,學佢晒長腿,又搞笑同Jacquelin及𡃁妹影床照,可惜Jacquelin話:「我覺得綠魔靚啲,佢保養應該好過阿Bob!」
版主:陳基征

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com睇番足本網上版,除咗有專訪外,仲有好多時裝靚嘢睇!

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

超蓮抱恙獲上司呵番
難捨家中囝囝
千嬅扮貓女食飯快閃
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved