壹週Plus Sudden+ 飲食男女 me! FACE Ketchup 交易通.搵車快線 Tomonews nxTomo
2013年12月20日

筍盤霆鋒引死連詩雅

110,606

身家逾8億的謝霆鋒雖然離過婚兼有兩子,但絕對稱得上是城中筍盤。最近傳與文詠珊(JM)撻着的霆鋒,又和前妻張栢芝和兩個仔度假,昨日春風滿面連踩三場,下午在中環出席美容頒獎活動,難得剃乾淨鬍鬚,打扮得靚靚仔仔,令同場的索女連詩雅、陳嘉桓、傅嘉莉和貝安琪都多望幾眼。

兩子新加坡升學

陳嘉桓露腰、傅嘉莉騷腿,但仍不及連詩雅谷胸搶眼,連詩雅揚言新一年要找到另一半,問霆鋒是否心水之選?她雖未能埋到霆鋒身,但仍隔空送秋波說:「佢係城中筍盤,我連招呼都唔敢打。我係被動型,霆鋒係好吸引,圈中嘅成功藝人,如果我將來另一半似佢咁就好,流晒口水。」連詩雅與JM同樣擁有纖瘦身形及長長秀髮,未知是否霆鋒杯茶?而霆鋒則沒接受訪問,在台上被問護膚心得時說:「我都唔掂護膚品,拍戲都唔化妝,近排連運動都懶咗做,所以唔好講。」
霆鋒晚上先後到銅鑼灣及灣仔出席《救火英雄》慈善場及首映禮,還有余文樂、任達華、胡軍、安志杰等撐場,換上黑色套裝的霆鋒透露,戲中飾演對火場有陰影的消防員,這次慈善場可為東華籌得30萬善款。
問為何每次有新戲上都有緋聞?霆鋒直言好介意說:「真係唔好咁講,我非常之介意,我哋拍戲做咗好多嘢,聽到呢啲(緋聞)會唔開心,唔會睇,因為動機唔正確。」他否認與栢芝復合,但坦承兩子將赴新加坡讀書,霆鋒邀請父母看首映,但婷婷因事未能出席,問安志杰可感到寂寞,任達華搶答:「唔會,我會燃燒番佢團火。」安志杰透露沒有過問婷婷的新戀情。
此外,霆鋒早前接受she.com長達三小時的訪問下月出街,預告片中,霆鋒親自煎牛扒,被主持人取笑用繡有「鋒」字的毛巾抹餸汁,他卻自嘲「屎忽鬼」。對愛情看法,他說:「好重要㗎,但唔到吖嘛。」他又準備自彈一曲,笑問:「彈完你話我好聽定方大同好聽?」說罷自己笑翻天。
採訪:張俊銘
攝影:黃文偉

足本收睇《亂噏24》x DADA陳靜;跟住有嘉玲姐駕到!
周一至周五《亂噏24》約定你:http://bit.ly/appletalk24

除面具勇敢學習
AV女團寒冬送溫暖
「人妻Kay」惡鬥周防
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved