› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2014年09月26日

鄺佐輝樂觀抗癌
陳玉蓮:希望搵到好方法

■陳玉蓮十分關心鄺佐輝的近況,並希望他找到好的醫治方法。

近期甚少露面的陳玉蓮,昨日以香港復康力量大使的身份現身香港大學,為一間傷殘人士營運的迷你超市主持開幕儀式,談到當年合作拍攝《神鵰俠侶》、飾演尹志平一角的舊拍檔鄺佐輝最近發現患上第四期腸癌後,再發現腫瘤已經擴散至肝臟並接受切肝手術,蓮妹坦言知道對方患病後,有向朋友詢問有關他的病情,不過被問到會否跟鄺佐輝聯絡時,她說:「我好少同圈中人聯絡,亦都唔知佢有事,間中都有機會見到,希望佢搵到好方法醫治。」
另外,鄺佐輝日前接受完手術後,現正回家休息,問到進展情況,他昨日在電話中說:「OK呀,我做咗兩次手術,對我嚟講情況都可以接受,醫生都話進展非常好,佢哋俾我啲評語都好正面。」

「好彩唔需要切膽」

鄺佐輝還說:「可能我之前比較疏忽健康,冇做好檢查,形成今次要做大手術,不過真係好托賴,最初醫生擔心我個膽會有啲阻礙,好彩唔需要切膽!雖然呢個大病唔係好消息,但係𠵱家樣樣都好理想!」他亦透露要覆診之後先知幾時開始做化療,他說:「我唔知化療嘅情況係點,但係𠵱家啲藥物進步咗,不過我依然會用樂觀同積極嘅態度去面對!」
採訪、攝影:張俊銘

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載