› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews
2017年01月04日

《蘋果》專訪 服務無綫42年 最大壓力志雲涉貪
曾醒明:好多嘢係硬食

57,720

經歷楊思琦未婚產女、港姐普選死機及馬賽艷照等風波,無綫前企業傳訊部宣傳科副總監曾醒明,過去四十二年為無綫大小事務拆彈,最終「被退休」收場。回復自由人身份的曾醒明昨日接受本報專訪,直指處理陳志雲涉貪事件承受精神壓力最大,儘管工作一腳踢,曾醒明也從不介懷:「好多嘢我哋都係硬食㗎。」他更大讚黎明處理危機是絕佳公關教材。

現年64歲的無綫前企業傳訊部宣傳科副總監曾醒明,在無綫由初級公關助理做起,42年來為無綫、藝人化解過無數危機,是傳媒公認的真正第一公關。可惜,為無綫仆心仆命多年,滿以為可以做到今年無綫50周年台慶,結果曾醒明去年「被退休」,並由去年6月轉職為顧問至上月底正式離職。

被標籤冇得升

回復自由身的曾醒明昨日接受本報專訪時,問到被退休會否感到失落和很大打擊,他說:「初初接到消息,係有咁樣嘅感覺,但諗落我又唔係咁大失落感。你話我仆心仆命,我係同意,我同呢間公司一齊成長,最輝煌嘅時候,我哋分享過,今日就算話『人哋都唔要你啦!』對我嚟講,我真係有賺。」有指他是志雲黨所以沒機會升職及被退休,曾醒明說:「我係無綫黨,對任何一個同事我都係坦誠,做好本份,唔係屬於邊一派邊一黨。最緊要工作開心,title對我嚟講唔係咁緊要。」
多年來的公關事件,曾醒明最深刻印象是2010年上司陳志雲的涉貪風波,他說:「每晚返到屋企仲有好多傳媒電話打嚟,個個都想我親自覆佢哋,講到口都攰埋,精神壓力好大,同埋你要有個平衡,第一,我要執行公司安排,公司好清楚話要同廉署合作,另一方面陳志雲係我直屬上司,你喺夾縫之中要確保公司立場,亦唔想傷害到自己同事,同埋傳媒不斷要你提供消息,我底線係首先一定喺公司立場為依歸,你一定要拿揑得好好,加上封城事件,對我好大衝擊。」曾醒明表示幸得傳媒支持鼓勵,令他尤為感激,而他紓緩壓力的方法是做義工參與「送炭到泰北」等慈善工作。

黎明公關教材

不少人認為曾醒明是TVBuddy及拆彈專家,曾醒明卻自嘲其實是跑腿,他說:「人哋唔處理嘅問題都掟晒嚟:『有啲乜嘢搵外事部啦!』所以我覺得我哋係打雜,我覺得冇問題,只要為咗公司形象,點去做我都唔介懷,好多嘢我哋都係硬食㗎。」說到做公關心得,曾醒明認為要面面俱圓,他說:「無論做人做事,你係真誠待人,你自然贏得人哋真心,千祈唔好嫌做得多,要多走兩步。」就正如去年黎明(Leon)處理演唱會公關手法,曾醒明最為欣賞,他說:「我覺得Leon嗰單嘢處理得好好,亦都係好好教材,任何公關災難,第一盡速處理,第二唔好迴避,第三係要積極面對,一迴避,無形中件事就會發酵,一發酵就可能會去到一個不可收拾嘅地步。」
採訪:戴彩煥

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載