› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月17日

何雁詩迴避𠝹手:我冇自殺

66,952

何雁詩和鄭俊弘都是無綫旗下星夢歌手,3個月前形象乖仔的鄭俊弘被爆背未婚妻暗交何雁詩,最後宣佈跟未婚妻已分手,更高調拖何雁詩現身機場認拍拖。然而有傳二人受無綫打壓,鄭俊弘幾乎零工作,何雁詩更傳壓力爆煲𠝹手自殘,縫了7、8針,日前在網上貼相疑露疤痕。上周四晚,本報直擊何雁詩現身山林道打邊爐,惟不見鄭俊弘,除了有好姊妹陳瀅和劉佩玥陪開餐,同場有位「恤衫男」孖實何雁詩並肩而坐。

「以後會小心」

繼續着長袖衫遮手臂的何雁詩,全晚與恤衫男有講有笑,兩位好姊妹都沒機會搭訕,約9時許眾人埋單離去,過馬路時恤衫男忽然主動拖實何雁詩,只見女方沒有抗拒,直至行到劉佩玥座駕前才放手。記者上前問何雁詩是否跟鄭俊弘已分手、認識了新男友?她笑着否認:「梗係唔係啦。」為甚麼與恤衫男拖實行?她風騷說:「佢拖住我咋,我唔係佢嗰杯茶,係我中學同學,因為我哋好耐冇見,佢好掛住我箒。」
何雁詩昨日到尖沙嘴出席活動為是非解畫,繼續以長袖外套示人,問到在社交網寫「何去何從」有甚麼意思?她說:「我唔係講感情。」對於日前貼相疑洩露手上傷痕,她煞有介事說:「呢排我都會靜啲,少啲擺相。我都明白嘅,只可以話我冇自殺,其他嘢唔回應。」問手上兩條是甚麼?她含糊說:「我冇認真去睇清楚。」追問手上是否有疤痕?她封嘴:「我唔答。」
記者謂吳綺莉女兒卓林𠝹手有勇氣承認,何雁詩則表示:「我係公眾人物,講嘢要小心啲,之後唔會po相,唔想因為自己私人事搞到好似博見報。」

積極自我進修

對於日前跟恤衫男拖實,何雁詩再澄清:「係識咗好多年嘅中學同學,唔係拖,係捉住我手臂,我出街拍拖都唔會拖手。」記者即提醒她曾跟鄭俊弘拖手認愛,她支吾說:「唔會有下次。」問到與鄭俊弘感情有否變化?她強調:「一直都冇變,只係想低調啲。」
對於鄭俊弘傳被公司雪藏,何雁詩澄清:「佢之前有拍廣告同MV,呢段時間我哋都有進修自己。」問會否覺得拖累男友?她嚴肅說:「冇得咁樣計,我哋冇咁諗,唔想有任何情緒影響工作,男友𠵱家好開心,日日彈結他。」
此外,同場的王浩信表示跟何雁詩拍劇成為朋友:「知佢最近經歷好多,無論任何嘢都撐佢,知佢呢段時間有壓力,正常面對咁大壓力,都有少少波動。」
採訪、黃曉程、王連連
攝影:梁繼光、陳慧安、仇志德

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載