› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年01月23日

千嬅頭場企到腰痛
阿Sa:睇得最辛苦
BIGBANG尾場 500人核心外圍免費睇

58,844

韓國天團BIGBANG旋風襲港舉行兩場戶外騷,由於前晚首場大會安排超亂捱轟,昨晚尾場情況有所改善,更有約500粉絲在核心外圍睇免費騷,分佈鐵欄、碼頭天台、鐵絲網偷𥄫;而兩晚吸引眾星朝聖,楊千嬅自嘲年紀大企到腰骨痛,蔡卓妍見暈提早撇:「有史以嚟睇得最辛苦嘅一場演唱會。」

啟德郵輪碼頭舉行的一連兩場「BIGBANG10 THE CONCERT“0.TO.10”FINAL IN HONG KONG」演唱會,票價最高為2,188元,其餘是1,588、988及688元,前晚首場安排混亂,入場和離場都要呆等幾小時,觀眾狂插是史上安排最差的演唱會,事後大會表示前晚跟警方、保安各部門開會檢討,昨日尾場會加派人手改善措施。

GD:好回憶

昨午1時許,已有近200位觀眾在九龍灣排隊搭小巴,等了45分鐘才上車,沿途沒塞車,會場入口採分流措施,1至1,500號粉絲先進場,至4時不再採分流方法,觀眾排隊慢慢入場,情況尚算流暢,不過有女觀眾扭傷腳,開騷前被救護車送走,錯過睇偶像機會。
昨晚尾場於6時30分開始,有500粉絲於核心外圍睇免費騷,分佈於鐵欄後、碼頭天台和鐵絲網後擔凳仔偷贒BIGBANG,情況墟冚;而昨晚rundown有改動,開場時BIGBANG坐巡演車出場,不但核心內圍兩萬粉絲興奮,核心外圍的粉絲見到偶像繞圈一周,也興奮到尖叫拆天,之後勝利講廣東話,GD派飛吻冧觀眾。不過開騷後一小時,保安阻止外圍粉絲坐欄杆,並於鐵絲網前架鐵馬阻粉絲揭布幕睇免費騷。

其後GD表示:「今晚是好精采的一晚,是好好的回憶,多謝大家支持,講大家記得VIP made BIGBANG,thank you!」T.O.P說:「I will be back soon,這十年有很多回憶,過了十年好好的時光。」勝利就表示:「我們會再見,唔好喊!」
而BIGBANG的兩場騷吸引眾星朝聖,睇頭場的楊千嬅自嘲年紀大,昨在電話說:「我未試過企位睇兩個鐘頭,我又有番咁上下年紀,所以我條腰骨好痛。」周秀娜說:「覺得好渴,除咗飢渴之外,亦都係頸渴,由4點半至夜晚9點鐘呢段時間,我係一滴水都冇飲過。」

阿Sa冇車錢

死忠粉絲連詩雅則說:「噚晚我最鍾意GD嘅solo,第二個就係T.O.P,知道佢就嚟入伍,心情有少少忐忑、酸嘅感覺。」而前晚睇騷途中見暈,要搭小巴早走的蔡卓妍(阿Sa),事後在社交網留言:「有史以嚟睇得最辛苦嘅一場演唱會!」昨日阿Sa到清水灣出席電影開鏡,皺眉說:「我噚日屙咗十幾次,去到又要等,企又凍,完騷前提早離場,沿途行去小巴站已經見幾個人暈低,上到小巴發現冇錢,好在有人豪11蚊幫我畀車資。」
採訪:文凱靈、馬建華
攝影:陳順禎

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載