› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年09月24日

志偉黨受針對頓變雙失
金剛無綫坐冷板凳 離巢做監製

75,543

【《蘋果》專訪】現年36歲的金剛由台灣來港發展,加入無綫主持綜藝節目曾經風光,有指因他是「曾志偉黨」故被秋後算賬,最慘試過一年工作,就只有一個騷。工作不如意,去年又跟女朋友陳蕊蕊分手,頓變雙失。近日他加入王祖藍的公司,但求東山再起,最希望可以監製到一個陽光與海灘、比堅尼女郎與猛男的節目。

半鹹不淡的廣東話,已成為金剛的標記。原名李信樵的金剛來港十年,廣東話仍然不濟,他日前在尖沙嘴接受本報專訪時解釋說:「你話我扮嘢同唔扮都好啦,係自己character。其實傾偈冇問題嘅,但做節目就差啲,一部機隊住你,因為有啲字要用普通話諗一次再轉廣東話,所以講得唔正,但觀眾接受都好surprise。」

「唔知乜事嗌交」

金剛於07年毅然由台灣來港發展,他自言當時心口掛勇字,因為人工較台灣少了三分之二,要靠即食麵及麵包度日,他說:「初初嚟好有挫敗感,以前做司儀係可以自己發揮,但嚟到香港乜都要照稿讀,又冇friend,得部遊戲機陪我。喺台灣時,我人工有4萬蚊港紙,嚟到香港得1萬2千蚊,但冇諗過返台灣,因為既然豁出去就想試吓。」
後來金剛由TVB8轉到收費台拍劇,更獲曾志偉賞識做《獎門人》主持,令更多人認識他。不過,一直有傳志偉與余詠珊不和,早前志偉更不留情面狂插由余詠珊做統籌總經理的《香港小姐》選舉變質,並用「慘不忍睹」來形容。身為「志偉黨」的金剛直言工作量突然少了很多,曾經試過一年只接到一個騷,整個月沒有工作:「係少咗啲……但老實講,內部鬥爭唔關我事,我小朋友,點知乜事嗌交啫?你叫我做就做,我走前半年有個《街坊廚神》,唔知係咪為咗留我喇,但我做咗獎門人(曾志偉)都冇嬲我。總之我當佢係師傅,冇佢就冇香港嘅金剛,對我有恩,無論做乜都撐佢。」

事業到樽頸位

今年6月,金剛決定離開無綫往外闖,因自覺得到了樽頸位,他說:「其實我又唔鍾意人管我啦,哈哈!唔鍾意做自己唔想做嘅嘢囉,例如有啲好正經嘅節目,唔啱我做嘅,但我好想做嘅港姐司儀又永遠做唔到,可能我衰樣啩,太醒目。」
已簽為王祖藍旗下藝人的金剛,現主力返內地發展,他表示最希望可以監製一個陽光與海灘、比堅尼女郎與猛男的節目。金剛經常指要找一名身材好的女朋友,跟陳蕊蕊分手近一年的他,會否趁機認識一個?他說:「好難,以前年輕瀟灑,𠵱家36歲都變阿叔啦。」現在的擇偶條件,除了身材,他透露還有其他:「都要睇性格,但有埋身材就更好啦。媽咪冇催婚,佢條件都好嚴格。」對於之前傳過的十多名女友,他沒有正面回答,只說:「哈哈,都係一般般啦,可以更好。」
採訪:嵐山
攝影:沈健程
場地提供:隆堡麗景酒店

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載