› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2012年01月17日

金手指:瞞稅走佬唔用鑽石

7,507

上周六下午孫柏文去友人家,被佢七歲大嘅女挑機,問我識唔識用英文串歐洲國家名。問第一題,我已被小朋友笑,因為佢問點串「意大利」時,我就寫「 ITBBB+LY」。
講開意大利,佢哋政府收入低過支出,低息舊債到期要借高息新錢還,仲要分分鐘借唔到新錢還唔到舊債,令政府最大班債主,即意大利啲銀行都冇人信,啲人唔肯擺錢喺啲銀行度。咁就搞到意政府要用超技術嘅方法,迫啲人擺錢入意大利嘅銀行。例如,佢哋已禁止1000歐元以上嘅交易用現金,迫啲人用銀行系統做交收,甚至喺意大利同瑞士邊境,有專聞鈔票嘅警犬駐守,等啲人唔可以走私鈔票出境。
如果你係啲有錢人,梗係更快攞錢走啦!不過如果你係《蘋果》典型讀者,一定會問:「我啲可動產就算變最大額鈔票,真係成個貨櫃咁多,攞來攞去會好揚喎,點算?」
如果你問你個 Private banker,佢就好大可能建議買鑽石,因細細粒已含大價值。跟住驚狗狗嘅話,就過關前將鑽石塞入支牙膏度,睇吓佢聞到啲乜。不過我就非常反對呢個建議,上周有段新聞更令我反鑽石作走佬糧草。

做白銀戰隊最實際

事緣5年前,珠寶商 Graff嘅倫敦分店被劫,贓物中有一粒16卡黃鑽。最近有個喺特區大埔嘅當舖,攞咗粒斷當後已再被切割嘅黃鑽俾 GIA紐約評鑑,點知原來 Graff一早一樣有咁做。而 GIA根據粒鑽嘅物理結構「指模」紀錄通知 Graff, Graff亦告上法庭要攞返。
大家都知鑽石好多都有顯微鏡先見到啲雷射註號,你諗住割走佢就「乾淨」,原來可靠結構「指模」追查,即各地政府要摷出來係有辦法。所以如果你要瞞稅、走佬,都係買啲溶得再凝固變「乾淨」嘅嘢好啲,即係買金銀,做白銀戰隊啦!

孫柏文
作者為獨立股評人
本欄逢周二、四刊出

孫柏文

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載