› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2016年01月21日

中環在線:自傳寫發迹史 寄語財富袋唔走
呂志和:錢係煩惱嚟㗎

12,197
■呂志和對財富睇得好淡,形容自己嘅生活好簡單。 李潤芳攝

嘉華(173)與銀娛(027)主席呂志和經常話,對財富睇得好淡,形容「只係數字遊戲」,就算係賬面身家縮水,喺富豪榜排名下跌,佢都話唔會點理。佢噚日出席自傳《呂志和傳》嘅記者會,直情有感而發咁話:「錢係煩惱嚟㗎!」相信好多人都想幫佢分擔呢個煩惱。

根據《福布斯》香港富豪榜最新統計,呂志和身家624億元,縮水四成,排名由前年第5位,跌落第7位。呂志和對於排名倒退,淡淡然咁話「(錢)袋唔走、帶唔到」,睇得重咪盞搞到煩惱,跟住語重心長咁話「錢唔係咁高尚」。
呂志和認為,若然身上只得一千幾百,要搵嘢做、搵飯食嘅人,踏踏實實咁過生話,先算係安樂,又話自己嘅生活都好簡單。
呂志和由13歲開始做「小老闆」,同唔少大孖沙一樣,見證住香港經濟起落。佢咁多年做過唔少生意,賣過花生、「馬仔」薩琪瑪同汽車零件,又搞過重型機械貿易,直到做石礦場嗰陣,正式成名,兼被封做「石礦大王」。喺70年代涉足酒店業後,亦為日後去澳門開賭同度假村打穩基礎,千禧年後正式進軍濠賭業。
講到成功之道,呂志和笑言,冇乜秘訣可言,但有三種元素缺一不可,就係「勤奮、不恥下問、有誠信」,事前要做足功課,亦要諗吓點樣識到一啲人,肯去幫自己手,「天時、地利、人和」就係佢今日成功嘅條件嘞。
今年87歲嘅呂志和多次表明無意退休,就算退,都會返公司做顧問,唔想退休後,每日都係睇住日出日落,好似等死咁,其實呢番話佢講過好多次㗎喇,應該係好真心。

李華華
mailto:LiWaWa@AppleDaily.com

李華華
LiWaWa@AppleDaily.com

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載