› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年05月04日

詹sir提醒髹油未必須鏟底

16,444

【本報訊】3年前全城瘋搶的新居屋,當中元朗宏富苑有業主收樓,資深驗樓師詹濟南「詹sir」驗收單位同時,不忘教授兩大裝修慳錢大法。
詹sir認為,新居屋單位原裝乳膠漆牆身不必鏟底,在現有牆身髹一層新油都可以。詹sir指坊間不少裝修佬為求賺得更多,會耍手段,令業主覺得要鏟底重髹。

裝修慳錢有法

他稱:「過往好多做裝修,唔係好想就咁髹一層新油,因為賺得錢少。有時佢會做一樣好差嘅嘢,專登搵一樣唔相食(不配合)嘅新油影響舊油,髹落去,令油漆唔相食,令業主選擇剷底重髹。呢個唔係技術上嘅問題,而是商業上的行為。」他建議,業主可向房委會查詢,目前單位使用甚麼牌子乳膠漆,只要選用相同牌子,就可以直接髹油。
一個實用400多呎兩房戶為例,聘用油漆師傅全屋牆身鏟底重髹,私樓約2至3萬元,居屋約1至2萬元。如果不鏟底,在牆面髹上一層油漆,不用1萬元,足足平逾六成。詹sir補充,如果業主想慳錢,一家人自己髹油,只不過花兩三千元買油。
宏富苑單位地台採用「自流平」批盪方法,凹凸不平機會極微。自流平是指自然流平,水泥成份控制到變成自由流動漿料,倒在石屎面上會迅速展開,自動平整地勢高低不平,是平整度極高的鋪地手法。若想美化家居,在現在自流平地台選用地板、地磚鋪設即可,不必鏟起重鋪。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載