› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年06月30日

樂香園:中資投行自己玩晒

8,867
■有外資投行朋友「呻」外資投行於香港市場的生存空間正在急速縮細。 資料圖片

有外資投行朋友跟密西比「呻」,近年於內地投行不停在港大肆擴張下,現時外資投行於香港市場的生存空間,正在急速縮細,更覺得已縮小到一個點,令人懷疑到底外資行還有沒有足夠生意可繼續生存。
友人說:「你自己睇吓近年香港啲刁啦,十單着咗八單都係中資投行牽頭,除非單嘢真係堅大隻,好似去到中國鐵塔呀,中化集團分拆石油業務嗰啲水平,要食埋非中資基金條水先上到嘅超大型新股,否則全部上市角色,都係由中資投行包辦晒,你話外資行仲可以食乜?」

中資行肥水不流別人田?友人指這當然是其中一個原因,但不是主因。他說:「你哋都有寫啦,有投行零收費去爭刁,現時啲刁嘅價錢,查實都只係夠維到皮,玩吓手用多幾個人check清楚啲,隨時單係計隻刁嘅收費,一個唔好彩要嘔凸,所以錢真係唔多,要搵返中資行做返,最大好處係有計傾。」
「有計傾」?友人說:「係呀,好似若果唔夠數,咪砌到夠囉,又若果公司可能要遲一啲先做到條數達到上市規定,咪就隻眼開隻眼閉囉……再講得難聽啲,若果咁不幸出事,都可以有人夾計度掂佢啦,你話做到咁外資可以點做?」

密西比

97年主權移交至今,香港前進還是倒退?「蘋果」與你細數廿載風雨。
【回歸二十年】專頁:http://hksar20.appledaily.com.hk

密西比

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載