› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

減肥測試真人試足 7日報告人氣代餐

最後更新: 0804 19:38 / 建立時間 (HKT): 0831 00:00

要減肥唔等於要絕食,而係要識得揀嚟食。家代餐口味愈出愈多,種類已經唔係齋飲奶粉食糊仔咁單調,除咗有忌廉三文魚螺絲粉、雜菜粥畀你揀之外,仲可以朱古力照食、咖啡照飲,唔信?
今次搵埋真人以營養師認為較健康嘅早餐代替法(因早餐所需 kcal較低,相對較健康)試足七日,再問埋營養師同醫生嘅專業意見,仲點使絕食冇晒人生樂趣啊!

Check!

比一般粟米較低 kcal
營養師 Cynthia評:「平時半杯粟米已有約 60kcal,呢隻一包只係 90.7kcal,而且纖維有 5.7g,好易飽肚。」

人氣 1 楊丞琳代言、《女人我最大》勁煲 KGCHECK濃湯

'09成立的 KGCHECK係台灣一個專出減肥產品的牌子,除咗西湯、餅乾、豆奶、綠茶等食品外,仲有膠囊、緊致精華等配套品。由於佢母公司聯華於台灣零食界有 60歷史,味道甚有保證,今年加入意大利粉代餐,仲搵埋楊丞琳代言,連台灣《八大新聞》同《女人我最大》都介紹過,藍心湄仲勁讚好味添!

KGCHECK濃湯粟米味(共 7種味,如南瓜蔬菜及海鮮等。)$120盒/7包,每包約 90.7 kcal
粟咪味勁香,仲勁足料夠晒咀嚼感,圖中只有蕃茜係後加。
Day 3排便暢通咗, Day 6個肚已經明顯冇以前咁脹,超快見效會繼續食!

測試真人 1
Aiyana Lo 23歲兼職主持人及模特兒

好味度:****「粟米味好香,同平時飲嘅湯無分別,唔覺得食緊代餐。」
飽肚度:●●●●「進食後 4-5個鐘先覺肚餓!」
方便度:☆☆☆☆「一沖即食超方便。」

Check 1 何謂代餐?

關嘉美醫生:「代餐即以低卡、低熱量食材,模仿食物味道代替正餐。以前代餐款式少,多為 energy bar(即能量棒),只用穀麥製成,家連麵及飯都有,口感都似埋。但記住一星期唔好減超過 2磅。」

Check 2 代餐健康嗎?

Cynthia:「站在營養師角度,代餐係短暫性嘅減肥方法,長遠唔可以改變一個人嘅飲食態度。一個正常人每日應吸取 1,500 kcal,雖然食代餐會減少 kcal,但只係減到體內水分及肌肉,而唔係脂肪。」

「減肥最重要就係低脂、高纖及低卡路里三大原則,不過每日都要配合 25分鐘帶氧運動先係最正確嘅減肥方法。」
Cynthia為工作忙碌的 OL建議如下餐單(以 120-130磅女性為例):
1星期瘦 1.5-2磅!
早:雪菜肉絲湯米+多士+脫脂奶( 300kcal)
午:無葱油走皮切雞飯+一碟菜+一個奇異果( 600kcal)
晚:肉片節瓜滾湯+蒸魚+菜心炒牛肉+一碗飯+一個連皮蘋果( 600kcal)
共 1,500kcal

奶昔始祖有保證
Orbis纖體玄米螺絲粉

忌廉三文魚菠菜味(另有紫蘇茄子番茄及鱈魚子墨魚香葱味)$239盒/5包每包約 199 kcal。
塊葉只係點綴,其他配料真係嚟自調味包。
三種味道都唔錯,食完好有滿足感,到 Day 5食量開始變細,排便亦暢通咗。

Check!有咀嚼感易飽肚

營養師 Cynthia評:「以螺絲粉取代以前嘅沖劑代餐,較有咀嚼感,而咀嚼感係飽肚感的來源,熱量仲好低。」

'86成立,同 DHC、 FANCL係日本三大通信販賣牌,'05推出皇牌奶昔 Petit Shake,賣到連港日台都斷市。今次測試嘅螺絲粉含有易飽肚又有口感的玄米成分,一盒有齊忌廉三文魚菠菜、紫蘇茄子番茄同鱈魚子墨魚香葱三種口味,仲有埋個紙盒畀你直接擺入微波爐叮,方便懶人同怕悶人士。

測試真人 2
Kabee Cheung 20歲兼職模特兒

好味度:***「唔鍾意番茄味,食落有少少辣!」
飽肚度:●●●●●「超飽,食到一半已經食唔落。」
方便度:☆☆「要加熱水再焗 10分鐘先食得等好耐!」

林志玲瘦身都食
安康五行纖體粥(減磅冠軍)

$120盒/5包每包約 101 kcal。
除咗番茜係後加,本身已有頗多葱及紅蘿蔔,一沖水已變杰身。
午餐後到下晝 4點先覺肚餓,但味道太淡, Day 5已開始厭,唔想繼續食。

Check!好高纖清宿便

營養師 Cynthia評:「總碳水化合物達到 21.9g,比我哋平時煲嘅粥更高纖,可有效解決宿便、便秘等問題。」
本地健康食品牌子,標榜有機及天然飲食,皇牌仲有網友熱飲的酵精系列。此五行纖體粥強調有紅蘿蔔、白蘿蔔葉、牛蒡、香菇、洋葱五種唔同顏色嘅有機蔬菜,以達至自然界金木水火土相生相剋的天地五行原理,一包沖熱水就食得,林志玲減肥時都每晚食一碗!

測試真人 3
Jennifer Yu 18歲 F.7學生

好味度:***「好淡,不過配料幾足。」
飽肚度:●●●「太少米,有時沖水分量控制唔好會變得好稀。」
方便度:☆☆☆「沖水後要等十分鐘先食得!」

萬寧長期斷貨
Slimmm Meal Replace Bar(美味冠軍)

(上起)焦糖朱古力、朱古力、乳酪杏仁夏威夷果共 3種口味$16.7/1條約 222 kcal。(一天只可代 1-2餐)
之前主要以運動減肥,第一次食代餐,味道唔錯,冇諗過可以好似平時食零食咁減肥。

Check!每餐所需營養最齊全

營養師 Cynthia評:「雖然係朱古力,但成分表顯示佢近乎所有營養都有齊,係五款代餐中最健康嘅一款。」
澳洲代餐牌子,'09成立,採用含專利成分 Prolibra恕垤 vetol悚瑪 W門燒脂配方。自從萬寧去年底獨家引入後經常賣到斷貨, she.com blogger親身試食寫報告文,有相為證每人兩星期平均成功減 3磅!

測試真人 4
Yanny Chan 22歲全職模特兒

好味度:****「同普通朱古力無異,完全唔覺得係代餐!」
飽肚度:●●●「好快餓,代替早餐或下午茶較好。」
方便度:☆☆☆☆☆「帶出街好方便,唔使煮慳番好多時間!」

Blogger勁試減磅去水腫
Trim Pro燒脂達人咖啡

炭燒咖啡味(另有白咖啡味)$96/7包連杯每包 41 kcal。
估唔到都幾濃咖啡味,白咖啡味仲好好飲添,覺得自已無咁水腫。

Check!同一般咖啡差唔多!

營養師 Cynthia評:「成分依然有奶精同飽和脂肪,同一般咖啡冇分別,不過咖啡因本身就有輕微利尿作用,可去水腫。」
屈臣氏獨家售賣的本地新品牌,賣點係結合溶脂氨基酸及膳食纖維,聲稱邊飲邊燒脂。今年 6月一推即喺 BeautyExchange、 The Ztyle等多個美容論壇引起熱話,唔少 blogger仲飲足幾星期,結果平均個個都話至少減到三磅又冇咁水腫。

測試真人 5
Paris C. 25歲夜校學生

好味度:****「好香好濃,可惜黑咖啡有啲過甜。」
飽肚度:●●「只可以當飯後飲品。」
方便度:☆☆「一沖即飲,隨時可以喺 office沖。」

KGCHECK 銅鑼灣波斯富街 96-106號寶明大廈 3樓 A室 enid台灣美妝專門店(2117 4227)
Orbis 銅鑼灣怡東商場東角 Laforet 1樓 102號鋪 (2972 2322)
Slimmm 旺角彌敦道 655號胡社生行地下 C鋪 Mannings (2299 3381)
Trim Pro 旺角彌敦道 655號胡社生行地下及 C1鋪屈臣氏(2396 6637)
安康 尖沙咀加拿芬道 37號地下至 4樓莎莎(2311 2284)

更多 Ketchuper 文章

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載