› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

31 BEAUTY GADGETS足本攻略【導出導入機】

最後更新: 0803 03:01 / 建立時間 (HKT): 1202 00:00

市面的導出導入機可分為超聲波、離子及熱力導入三種。雖分為 3種類,但目前潮流大多數為離子導出導入原理,注意所有種類,用時按摩手法同為由內至外向外輕力推便可。

離子導入:利用正負電荷的同性相拒、異性相吸為原理,理,例如含負電荷的護膚品,與離子機的負電荷產生同性相拒,將養份導入至皮膚底層;若皮膚內含負電荷的污垢(粉底、灰塵等),與離子機的正電荷產生異性相吸作用,將污垢物導出。

超聲波導入:以高速微震動將護膚品分解成微分子,滲透至皮膚底層及加速新陳代謝,使肌膚細胞自然再生。

熱力導入:透過紅外線或遠紅外線照射,使皮膚表面溫度升高,令毛孔擴張,增加滲透度,原理等同先加熱面膜後敷一樣。

測試方法

保濕度:(需用化妝棉作導入)將沾有保濕精華的化妝棉作離子導入 5分鐘,測試皮膚水份前後變化,測試前皮膚水份為 28.7%。
(無需化妝棉導入)於手背塗上保濕精華,後用離子機導入 5分鐘,測試皮膚水份前後變化,測試前為 28.7%。
*測試結果因人而異

A.Mary Kay 兼有紅 LED燈

賣點:正負電荷程序時可選擇帶有震動及熱感, 630-660nm LED紅光聲稱可直達真皮層,刺激膠原蛋白生長。
原理:離子正負電荷
配件: USB充電線
用法:長按開關 2秒後選擇所需程序,紅色+及-符號為帶震動及熱感,白色則沒有。
建議使用次數:每星期 1-2次
試用感:筆型機身,適合按摩眼部皮膚,及熱力效果一般。
保濕度:+18%
易用度:★★★★離子頭夠細,眼頭三角位都碌到。

Mary Kay ION Beauty Device售價待定(1月 5日發售)

B. Philips 聲波導入柔膚

賣點: 500次超聲波導入將護膚品滲透至底層, 300次微震動可促進血液循環。
原理:超聲波
配件:充電座及充電線
用法:於面上塗上精華、面霜或面膜,開啟機身全面按摩 3-7分鐘。
建議使用次數:每星期 3次
試用感:試導入 3分鐘後,皮膚變柔軟,微震動效果按摩眼位時舒服,惟充電 2小時只可用 20分鐘。
保濕度:+31.3%
易用度:★★★★★塗上護膚品即用得

Philips VisaBoost$998

C. Beautyronic  3合 1功能

賣點:緊緻功能,離子強度輸出分 10級別,導出導入時冇需化妝棉。
原理:離子正負電荷
配件:充電座及充電線
用法:長按開關 2秒,選擇所需程序,藍燈為導出、粉紅為導入、白色為緊緻。然後塗上護膚品按摩便可,每程序建議使用 5分鐘。
建議使用次數:每星期 3次
試用感:一機三用夠划算。強度雖分 10級,但即使 5級與 10級的分別不大,同樣能導出污垢。
保濕度:++32.8%
易用度:★★★★★充電後可使用 10小時

Beautytronic3合 1多功能離子潔面按摩儀$998

D. Hitachi 導入最強

賣點:皇牌升級到第 4代,追加冷熱及微震動功能。
原理:離子正負電荷
配件: 3腳充電插頭、化妝棉固定器 X2、插座
用法:將微濕化妝棉放於離子頭上並用膠扣固定,選擇護膚程序,但用時記得握實機背的金屬面,令離子電流得以通過人體。
建議使用次數:可每日使用
試用感:導出功能比第三代加強不少,但非充電式,用時要插電線,有點不便。
保濕度:+37.3%
易用度:★★★★模式多而清晰易明

Hitachi Hada CRiE Plus Hot& Cool$2,390

E. Bijouna 新手之選【 Ketchup choice】

賣點:日本家用美容品牌出品,離子頭可切換成冷熱觸面。
原理:離子正負電荷
配件:兩腳充電器、轉換插頭、玫瑰保濕精華 10ml
用法:將微濕化妝棉扣於離子頭上,選擇護膚程序後按摩便可。
建議使用次數:每星期 1次
試用感:膠扣連住機身夠方便,導出導入效果理想,冷熱頭切換時只需 3秒,頗快。價錢唔過 2千,入門之選!
保濕度:+34.2%
易用度:★★★★顯示雖為日文,但有漢字協助,算容易理解。

Bijouna冰感溫熱離子機$1,288

Handybio 配套產品最多

賣點:日本樂敦藥廠研發,首個品牌於'92引入離子導出導入法並推出離子美容機。品牌備有經離子化的深層清潔、暗瘡:保濕等精華可選購。
原理:離子正負電荷
配件: 3粒鈕形鋰電池、藍色絨布袋
用法:用蒸餾水沾濕化妝棉後弄至 8成乾,後化妝棉放於離子頭面上,泵 3下清潔精華或保濕精華於化妝棉上,調較正或負電荷後便可。
建議使用次數:每星期一次
試用感:導出 5分鐘後棉花已見「黃甘甘」,同埋每隔 15-20秒有嗶聲提示,惟獨離子頭面積較細,全面需用兩塊化妝棉。
保濕度:+35.8%
易用度:★★★需用品牌的無菌化妝棉

Handybio離子美容器$1,800(連 3粒鈕形鋰電池)

Beautytronic
銅鑼灣禮頓道 77號禮頓中心 2樓 Sasa Supreme( 2505 5023)
Bijouna
銅鑼灣蘭芳道 16號地下 1號鋪及 1樓 FitBoxx元氣館( 8104 5000)
Handybio
灣仔莊士敦道 181號大有商場 215鋪( 2890 8002)
Hitachi
各大百貨公司及電器店有售( 2770 0377)
Philips
各大百貨公司及電器店有售( 2619 9663)
Mary Kay
彌敦道 345號宏利公積金大廈 12樓 02-03室( 2922 8133)

6 User Sharing 導出導入機達人 Share

Q1.甚麼原因令你開始使用導入導出機?
Q2.使用後皮膚得到甚麼改善?
Q3.點解會堅持使用?
Q4.第一次用時,有沒有出現烏龍事情?
Q5.如新手想買導入導出機,有甚麼心得或貼士?

Irene Chu(化妝師兼美容 blogger)

Q1.工作忙冇時間去美容院做 facial,所以買部離子導入機看門口,自己主要係用導入功能為主。
Q2.一星期會用 2至 3次,皮膚 keep住有水份,底層飲飽水又有光澤,上底妝時都貼服啲!
Q3.因為齋敷面膜的話養份滲透唔到底層,配合導入機用可增加吸收,同埋唔會浪費塊面膜。
Q4.將聲波效果調較至最高的第 3級,用第一下時好似畀靜電電親感覺。
Q5.參考其他人的用後感,了解清楚自己需要甚麼功能先好買機。

YA-MAN Ion Mag Sonic(已停止發售)

Eva Cheung(粉紅髮模兼'15富士劇《天國…幽靈…不思議…》女角)

Q1.去日本工作時常見到雜誌介紹,口碑唔錯,加上成日要化妝,怕 Q2.卸妝唔夠徹底。
Q3.皮膚冇咁粗糙,少咗暗粒。
Q4.齋卸妝同潔面唔夠乾淨,導出效果好好,每次用佢化妝棉都好污糟。
冇,會睇清楚說明書先用。
Q5.冇特別心得,可以問下身邊朋友有冇用開或者網友推介。

EBiS Twin Elenizer Pro 25,000yen( 1580港元未連稅及運費)

Erica Yuen(袁彌明生活百貨創辦人)

Q1.想提升皮膚吸收度和減少角質層積聚。
Q2.有光澤同白咗,導入精華後皮膚好水潤同底層漲卜卜,好飽滿。
Q3.因為有用同冇用導入機的分別好明顯,我每日都搽不同功能的精華,單搽的話養份滲透唔到皮膚底層。
Q4.清洗乾淨同放係乾爽地方。
Q5.建議用離子導入原理機款多過超聲波,因為後者技術比較舊,同時精華有分正負極電荷,用離子導入可以令精華去到皮膚底層,功效更加顯著。

Dr.Fresco& F 53,784yen( 3401港元未連稅及運費)

Anthe Au Yeung(模特兒)

Q1.好奇心驅使,同埋價錢平過去美容院做 facial。
Q2.皮膚感覺緊緻,自己用時會配合埋提拉按摩手法,可以通淋巴去水腫。
Q3.佢係懶人法寶,每次都可以導出污垢,塊化妝棉烏卒卒,同埋上妝前敷 mask做導入,底妝會更加貼。
Q4.將箍實化妝棉的膠圈,屋企人誤以為係包裝垃圾扔了,𠵱家用橡筋代替膠圈。
Q5.最緊要買部方便易用,唔使搞一大輪程序先用得。

Hitachi Hada CRiE Plus Hot&Cool$2390

Biance Chan( Sunny Idea(HK) Limited PR Manager)

Q1.提升皮膚吸收護膚品養份能力,同時徹底清潔毛孔內污垢,因為成日都化妝。
Q2.吸收能力變強,皮膚變得有光澤,同埋鼻翼兩旁毛孔都細咗。
Q3.真係改善到皮膚問題,同埋日日都用,慢慢變成習慣。
Q4.太用力按摩,面頰留有坑紋。
Q5.了解清楚導入機的功能是否適合自己,如果皮膚屬敏感性就唔建議用離子機。

Just A Time Skin Perfector$549

Hermia Chan( The SWAH Communications Senior PR Associate)

Q1.雙手洗面始終唔夠乾淨,如毛孔唔乾淨,就算搽幾多護膚品,皮膚都係吸收唔到。
Q2.皮膚變得細緻同柔滑,吸收力亦提升了。
Q3.暗瘡少咗,毛孔唔再粗大,皮膚充滿水分,冇咁易出現浮粉。
Q4.用了唔可以作導入的護膚品,令導入頭表面受損,好彩有原廠保養。
Q5.最好購買品牌建議使用的導出導入護膚品,效果會比較好。

YA-MAN Platinum White Sonic$1880

Dr.Fresco
http://global.rakuten.com/
EBiS
http://www.ebis-cosme.co.jp/
Hitachi
各大百貨公司及電器鋪有售( 2770 0377)
Just A Time
銅鑼灣 WTC MORE世貿中心 P1層 C9號鋪( 2799 8348)
YA-MAN
銅鑼灣祟光百貨 10樓專櫃( 2375 8222)

Step by Step

【導出導入】
1.洗淨皮膚表面污垢後,於面頰塗上所需功能的精華液作導入程序。
2.而導出程序則用化妝水或蒸餾水沾濕化妝棉,並扣於離子機頭上。
3.由額頭開始開始作全面按摩,方向應為內至外。
4.鼻位黑頭、粉刺較多,可輕力打圈按摩。
5.面頰同樣由內至外向外推按摩,若棉花變乾阻礙按摩,可加上化妝水或蒸餾水。
6.如平時洗澡時少徹底清潔頸部,亦可用離子機導出污垢,之後再導入緊緻精華防止頸紋。

導出導入機 Dr.Q&A

1.導出導入機的原理是?美容院和家庭式的導出導入機有甚麼分別?
林思允醫生:家用導入美容機種類太多,有有效的也有冇效的,很難一概而論。家用導入美容機的能量一般較小(因為安全性考慮更多),未必一定可以將成分帶進皮膚。

2.離子、熱力、聲波技術各有不同功效,是否人人適用?
林思允醫生:超音波導入是利用機械震動的原理,產生高速震波,頻率可以高達 1MZ(即每秒 100萬次),以前就使用在肌肉復健、臉部按摩,可以加速組織代謝及血液循環。後來發現高速的震波,可以使細胞間隙的寬度擴大,提高藥劑進入皮膚的通透性,開始了皮膚超音波導入術的發展。而離子導入是利用電壓原理,經由正、負離子交換的作用,將藥劑從體外導引進皮膚內。離子導入很早就使用在麻醉、疼痛控制、手汗症的治療。

林嘉雯醫生:熱力是利用熱力令皮膚抗張,增加血流量,令皮膚更易吸收護膚產品成分。

3.有甚麼肌膚不能使用導出導入機?
林思允醫生:應在皮膚冇傷口,冇發炎/紅腫/敏感的情況下才使用導出導入美容機,避免刺激已受損的皮膚。

4.使用導出機時,若化妝棉仍很乾淨,是否代表沒有效用?
林思允醫生:不是,導出化妝棉如仍很乾淨,可能是因為皮膚沒有殘留的污垢。

5.使用不當有可能導致皮膚敏感?
林嘉雯醫生:例如導入功能會加強護膚品吸收力,但大部分護膚品內都含香料、防腐劑,盲目加強肌膚吸力可能會刺激皮膚。

林嘉雯醫生
畢業於中文大學內外全科,擁有超過 10年的臨床皮膚科經驗及美容整形技術, 2011年起擔任中文大學醫學院榮譽助理教授至今,曾為香港皮膚及性病學雜誌助理編輯,現時亦有為本地報章撰寫專欄,分享皮膚保健及醫學美容資訊。

林思允醫生 皮膚科碩士
在香港大學醫學院畢業後往英國卡迪夫大學深造,獲取皮膚學文憑及皮膚學碩士。現任職皮膚治療中心,為病人提供皮膚及美容醫學治療。

6不能不知的得意美容機

以上介紹的潔面、瘦面、導出導入同脫毛機,都屬於「正常」美容機,以下就同大家睇下一啲較少見的美容機,有啲係功能特別,有啲係外型出眾,作為愛美一族就算唔買都不能不知!

外置蒸汽髮夾

用蒸汽熨斗熨衫你一定試過,咁熨直頭髮又試過未呢?L'OREAL Professionnel新推出的直髮夾 Steampod Retail,外型同一般直髮夾無疑,但機身連住一部蒸汽機,產生出的蒸汽會由直髮夾噴出,從此拉直頭髮及鎖緊水份,夾完頭髮好似做完 treatment咁!

7種 LED光療面膜

光學美容機可激活皮膚細胞、改善皺紋等,但大多光學機都只有一種 LED光,而 Aduro的 LED面膜內有 66組 LED及紅外線光源,可發出紅、藍、黃、綠、橙、青、紫色彩光,面膜式設計能將燈分佈得更廣,令全面都可吸收到彩光,且只需「敷」 20分鐘就得,十分方便。
AduroTM 7+1紅外線 7色彩光面膜$1,988

蒸汽卸 gel甲

若愛在家中整 gel甲,嫌每次拆除 gel甲都要包錫紙太麻煩,美國甲牌 Gel II的蒸汽卸甲機啱晒你。用時於器皿內倒入卸甲液與水,啟動卸甲機後,器皿內會產生蒸汽令 gel甲變軟, 10分鐘後用指甲銼即可銼走層 gel。
GEL II Professional Steam Removal System售價待定

邊吹頭邊按摩頭皮

要頭髮生長得好,首要護理好頭皮。日本美容家電牌 YA-MAN前排推出的遠紅外線風筒,出風位會發射出紅外線,可促進血液循環,機身每分鐘更會震動 3,700次,配合育髮劑及附送的按摩頭一齊用,有增加滲透度之效, keep住用頭髮自然生得靚!
YA-MAN Scapl Dryer 18000yen(約 1138港元未連稅及運費)

自家製足浴器

單睇以為此機係足部按摩機,其實係由日本 Panasonic出的足部蒸汽機,只要倒入 100ml水入機身,就會產生出蒸汽紓緩雙腳,同時亦釋出紅外線,配合機底的按摩膠粒,可加快入眠,適合入睡前用。
Panasonic Beauty蒸汽足浴器 13280yen(約 839港元未連稅及運費)

30秒自動化妝機

網上成日教 5分鐘極速化妝,但點都唔夠呢部瑞典美容牌 Foreo的 Moda勁。此 3D自動彩妝機就好似打印機一樣,只要透過專屬手機程式揀適合自己妝容甚至明星妝容後,將面頰伸入機內,即有 2千個細微噴頭自動幫你上妝,全程只需 30秒。但 Moda只屬概念產品,暫未有上市機會,大家都係乖乖靠雙手化妝喇!

AduroTM
銅鑼灣蘭芳道 16號地下 1號鋪及 1樓 FitBoxx元氣館( 8104 5000)
GEL II
九龍渡船街 38號建邦商業大廈 2樓 B室 Blossom Nail and Beauty( 2959 3805)
Panasonic Beauty
http://www.amazon.co.jp/
YA-MAN
http://www.ya-man.com/

撰文:美容組
攝影:謝耀恆、葉曉明、崔百祥
模特兒: Carman Kwok
*所有測試因人而異

更多 Ketchuper 文章

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載