› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2009年12月22日

返回三藩市老家 高錕活得快樂
撫妻肩安慰: Don't worry about it!

【本報訊】50年相知相伴,高錕妻子黃美芸記得,那年他像白馬王子般帶她離開傷心的城堡,她犧牲自己的生活成就他偉大的一生;今天倆口子千帆過盡,看着76歲患上老人癡呆症的高錕像個大孩子般,無憂無慮活在自己的世界,美芸只求身邊人活得快樂,有限時間內永不遺忘所愛;大孩子似懂非懂,撫摸妻子肩膀道:「 Don't worry about it!」
記者:夏志禮

告別北歐瑰麗的燈火,高錕夫婦日前返回美國三藩市的老家,接受香港電台訪問,黃美芸娓娓道來的,不再是諾貝爾獎的榮耀,而是一個平凡人的動人愛情童話。居於英國的美芸,12歲時父親因心臟病辭世,家中排行第三的她從不獲母親疼愛,「之後先明白媽媽一個人生活好痛苦,後來仲有神經病,但係細個唔明白,好恨媽媽,覺得佢唔錫我哋。」

如白馬王子救她出城堡

美芸大學畢業後於一所工廠工作(擔任程式員),在那裏,她遇了命運為她安排的男人,「係咪一見鍾情?哈,都係,第一眼覺得佢真係幾靚仔。」說時望向身邊人,只見高錕笑着回應道:「係 o架。」為試驗這美男子,美芸長達半年不見他,結果最後才發現被考驗者其實是自己,「見唔見到佢都會掛心,喺工廠佢日日都會走過來同我傾偈,其他同事見到會覺尷尬,但係其實個心係等緊佢嚟。」
敢愛敢恨,美芸不理母親反對,離家出走跟高錕結婚,「20幾歲,覺得生活應該改變,呢世唔可以 same situation(相同處境)。」甚麼讓她愛高錕愛得如此深?「係咪浪費咗自己嘅機會?家有時諗都會後悔 o架,但係喜歡就會錫呢個人,好似西方一個古仔,有人救公主會騎着白馬咚隆咚隆過來,佢(高錕)覺得自己就係嗰個人,知道我屋企問題要來救我。」

知高錕好多嘢都講唔出

相知相伴半世紀,數年前美芸發現高錕患上老人癡呆症,傷心得無法形容,「個病無得醫,我知佢好多嘢想講,但係講唔到出來。」說罷她轉身問高錕是否記得她是誰,高錕努力思索,只能斷斷續續道「我知道你係...you are definitely should be...」美芸不禁淚盈於睫。
美芸指,老人癡呆症分7期,丈夫病情已到4至5期,只能隨遇而安,說時高錕又再打斷訪問,努力組織心底話:「 That's something in it... don't worry about it。(不用為此擔心)」並伸出手輕撫妻子肩膊,眼淺的美芸又再感動得眼淚滿眶。她指,日後生活再無奢求,「開心啲,打網球打多啲,同孫玩多啲,做人唔係壞人已經開心。」問她最不捨得高錕甚麼,揚眉女子回復一貫幽默,眼望丈夫,「最唔捨得就係你無牙!」

高錕不放熱茶燙傷手
想表現做到嘢 高太心痛

【本報訊】黃美芸照顧患上老人癡呆症的丈夫,表面上樂觀豁達,幽默風趣,實際上她內心難受。節目主持李小薇憶述指,訪問期間,美芸於家中冲茶,高錕負責將熱茶拿往大廳,只見高錕的手已被熱茶燙傷,她與美芸急忙叫他放下茶杯,但高錕卻堅持拿着熱茶杯,「嗰一刻見到高太好心痛,可能高錕係想表現自己可以做到啲嘢。」
李小薇指,短短兩日的拍攝已讓她深切體會高太的難受,「外人睇佢哋相處好融洽,但係高太其實好心痛,不能夠再同高錕講心底話,驚(佢)有一日會唔記得自己老婆,每次佢擔心,面上就會流露出一份長久積累嘅鬱結。」高錕努力嘗試安慰妻子,但總辭不達意,只能斷斷續續說出話句,「佢知道太太難過,會嘗試打斷我哋對話。」

訪問片段今晚播出

節目監製張國良表示,兩個月前接觸黃美芸,希望就千禧年拍攝的《傑出華人系列》補充新的片段,對方要求待高錕獲獎並回美後才接受訪問,結果因緣際會,成為一個獨立故事,訪問片段今晚7時於本港台播出。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載