› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2010年12月22日

靠惡 講關係 個個出奇謀
求上機 訛稱父死奔喪

46,800

【本報訊】英國惡劣天氣持續,大批香港留學生被迫滯留倫敦希斯路機場或鄰近酒店,苦等候補機位。要成功歸家,除靠惡講關係,有人竟報稱「死老竇」。有留學生指,學生為求一張機票,不惜訛稱老父過身要奔喪,結果成功爭取機位,乖乖按指示留在酒店等待的學生反而走不了,甚至因此染上感冒,「好唔公平啫,聽話嘅學生反而要受罰」。
記者︰夏志禮、盧文烈、蔡元貴

受大風雪影響,昨日最少5班來往香港和倫敦的航班要取消,另有20班來回歐洲的航班延遲。目前仍有最少400多名本港留學生滯留倫敦,希斯路機場情況依然混亂,四處都有等待候補機位的人龍,附近酒店房間供應亦緊張,有學生決定合資租房,亦有人返回寄宿家庭等待消息。
為撲得回港機票,港生各出奇謀。家長林太女兒只得16歲,她引述女兒指,要獲得一張回程機票原來要靠惡,「佢話見到人哋鬼佬都係好勞氣好惡咁同櫃台嘈,之後就攞到機票返屋企。佢人咁細,英文又唔係好好,唔知做得啲咩,問我究竟做緊咩幫佢手」。

不滿國泰安排

有學生更表示,特區政府駐倫敦經貿辦職員曾向學生分發問卷,要求學生填上背景資料和回港原因。有學生洞悉該問卷將用作分流,排列登機優先次序,於是紛紛「老作」,有人自稱長期病患者,有人說急須回港做手術,有人甚至說家人離世,急着回港奔喪,齊齊做孝子,有學生說:「有人話填老竇死咗,可以即刻上機,於是個個都咁填,一時間個個都死老竇。」
超過410名13至16歲的留學生,獲國泰安排於倫敦 Park Inn酒店會議廳暫住。有學生形容:「國泰安排我哋嚟呢度,只係想拖住我哋。」學生 Annie形容酒店「叫天不應、叫地不聞」,職員對機位安排「十問九唔知」,她和朋友其後更收到消息,知道有學生躲在機場,沒有聽指示到酒店,反成功取得後補機位。
Annie與另外5名同學商量後,昨決定返回機場等機位,但國泰和酒店卻拒絕提供交通工具,6個學生最後夾錢租的士返回機場。 Annie說:「機場保安要我哋有登機證至畀入,但最後我哋都成功偷入機場。」 Annie等6人在機場等到傍晚,全數等到機位,乘搭6時班機回港,她在飛機上難掩興奮心情,但同時怒斥國泰安排混賬:「證明我哋偷走返機場決定正確,聽話留喺酒店嘅學生根本得個等字,我哋以後都唔會坐國泰。」
有學生拍攝會議廳情況製成短片上載至 YouTube,只見會議廳黑壓壓一片都是人,未見任何枱椅或床鋪,不少學生席地而坐甚至卧睡。該學生指:「國泰冇話取消班機,一切如常運作,但係都係飛唔到,等足七個鐘都係冇……我們不介意讓那些更有需要的人走,但我們介意四天來連統一的訊息也沒有。」

「唔少人病咗」

有學生家長引述女兒指該處衞生欠佳,「唔少人病咗,感冒又有關節痛又有,暖氣又唔夠,喺密閉空間好易傳染開去,成個集中營咁,個女都拎咗百幾粒 panadol派畀人」。國泰發言人強調,除飲食、電話及沐浴設施,有安排醫生提供醫療協助,盡力為學生提供最好服務。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載