› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2011年01月31日

八年洗底 自我硬銷 揚言條件樣樣足
回應選特首葉劉對號入座

19,980

【本報訊】「放長雙眼睇啦,各位!」八年過去,強銷23條立法時的強悍表現,港人至今未忘,其豪情壯語亦未隨50萬人上街而消退,前保安局局長葉劉淑儀2003年下台後,先讀書「過冷河」,後攻入立法會,最近更「誕下」新民黨,下一步:特首之位?葉劉淑儀昨日被問到會否參加特首選舉時回應「聽其自然」,又指自己「辛苦命」,愛工作又沒有家庭負擔、身體健康,磨拳擦掌暗示即將捲土重來。曾在23條問題與葉劉交手的人士表示,葉劉上台會帶來災難性後果,帶領香港進入「黑暗時代」。
記者:張嘉雯 許偉賢

剛成立新民黨並擔任主席的葉劉淑儀昨日接受商台訪問,被問到會否參選特首,她表示「聽其自然」,「我都話我同好多人一樣,都係想為香港做啲嘢,將來點冇人知」。她一方面表示首要工作是令新民黨成長,一方面力銷自己擁有做特首的條件,「我辛苦命嘅,以我嘅環境,我冇乜家庭嘅,要照顧個女又搞掂晒,我鍾意做嘢,無論咩崗位都鍾意做嘢」。
她指當特首要願意犧牲,「呢份工真係辛苦,都要健康好先得喎」,隨即表示自己血壓「全部 perfect」。

暗諷唐英年 懺悔嘴藐藐

她又指本港現時管治情況不理想,以其公務員經驗,可以提供意見,並「提醒」政府要學會與80後溝通,暗諷候選人大熱唐英年,「我做官員時未鬧過80後……你 check吓我 record吖,我未鬧過人 o架,我未鬧過巿民,至多表達一啲佢哋唔鍾意聽嘅意見」。
她又對當年「嘴藐藐」表示懺悔,「官員精英心態係一個通病,主要因為官員掌握資料多,佢變咗 I know it all,我識晒喇,我睇過晒所有 file條例,我叻過你喇,好似以前人話我嘴藐藐,有呢個傾向,但係民間練歷對我好有幫助」。

「香港會進入黑暗時代」

葉劉淑儀當年主事居港權及《基本法》23條立法,一直協助爭居權者的正義和平委員會幹事孔令瑜狠批葉不顧原則,「一個將咁多家庭拆散嘅人,能唔能夠保護我哋嘅人權吖?一個將法治斷送嘅人,可唔可以捍衞我哋嘅司法制度吖?不過呢個都唔係我哋香港可以參與嘅選舉,講咩都無用」。
當年趁葉劉淑儀到中文大學硬銷23條時送上「精忠報國」錦旗以及「傳媒頭上一把刀」的中大畢業生歐陽達初,直指葉選特首有「災難性後果」,「佢為咗推動23條無所不用其極,完全聽命中央,貶低巿民。佢做特首,香港會進入最黑暗嘅時代,係香港嘅悲哀」。他又指,葉劉現時所謂「懺悔」,只是形象工程,純為參選部署。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載