› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2011年06月05日

口述片段播出 主題建設民主
司徒華最後一課教育

12,939

【本報訊】燭光下的人群,22年來忘不了那段血寫歷史,今年更忘不了那位窮畢生精力爭取民主、推動平反六四的故人。昨晚逾15萬人高舉燭光,悼念六四死難者,也懷念今年1月病逝的支聯會前主席司徒華。大會播放着華叔歷年主持燭光集會的片段,台上的老戰友慨嘆不能再與華叔齊舉燭光,台下市民難忘他一生都貢獻民主。
記者:林俊謙、陳雪玲

燭光集會昨晚8時開始,大會先安排播放司徒華口述、主題為《毋忘六四.建設民主》的片段。約5分鐘的影片,華叔為港人來一課「國民教育」,從中共建政談到改革開放,再說到八九民運。華叔說,每年六四,總有數萬人參與燭光集會。他又說,中國政治改革的路途崎嶇。台下群眾手持燭光,靜默聆聽。

「燭光係我哋嘅珠淚」

支聯會副主席蔡耀昌致悼辭時強忍傷悲:「雖然華叔唔能夠再同我哋一齊高舉燭光,但我哋相信,無論係八九民運犧牲者嘅民主烈士、20多位已離世嘅天安門母親、先後離世嘅支聯會義工,都會同華叔一樣堅持相同信念,就係堅持平反六四,建設民主中國!」
聽着蔡耀昌憶故人,台下的周小姐眼泛淚光。她最欣賞華叔對愛國的堅持:「華叔係個理想好高的人,堅持咗咁多年,我好想表達對佢呢份愛國心的敬意。」集會中途,大會播放華叔歷年來主持燭光集會的片段。是國家的前途,令華叔總一臉憂戚。92年的六四,華叔傷感說:「點點燭光,係我哋眼睛一滴一滴嘅珠淚,係我哋心裏一點一點嘅希望。」

「華叔離去特別想嚟」

97年回歸,華叔寄語參加者:「我哋要有決心、有毅力,堅持更長時間,八九民運,必定平反!」99年的集會,7萬人在參與,華叔嚴肅的呼喚:「你哋唔能夠忘記,我哋唔能夠忘記,要將新嘅賬,舊嘅賬,一筆一筆記下來。」21年的點點滴滴,勾起無數回憶。昨特別由美國返港參加燭光集會的周小姐對華叔離世十分感慨,「華叔嘅離去,令我特別想嚟維園呢度,我離開咗香港好耐,希望今次返嚟,可以表達對華叔嘅敬意」。
27歲的張先生表示,廿年來只是第二次踏足維園的六四集會。他說華叔離世後,決定重新認識六四事件,「睇到華叔可以不為自己,只為民主貢獻一生,覺得自己今年一定要參與,我唔想下一代會因為時間,忘記咗六四呢件事」。

「直到六四平反為止」

連續22年參加六四集會的退休教師李先生表示,雖然華叔已不在人間,但昨晚「仍然感覺到華叔喺我哋身邊」。他說一定會繼承華叔遺志,「繼續參加燭光集會,直到六四平反為止」。
李柱銘昨晚也感慨良多,他說以往每年的六四集會,都會跟華叔握手,「今年見唔到華叔啦,但華叔唔喺度,仍然有好多市民出席」。支聯會主席李卓人難忘20多年來,年年與華叔一起站台,老人家的肺腑之言,總是情感真摰:「今晚我係帶住哀思,帶住回憶參加呢個集會,希望華叔精神長存!」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載