› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2012年03月04日

高舉龍獅旗 緬懷昔日香港

36,272
高官貪腐令港人痛心,有人揮動龍獅香港旗,緬懷殖民地廉潔歲月。何柏佳攝

【本報訊】回歸15年後的香港爆出特首貪腐醜聞,參加倒曾大遊行的示威者,不少都緬懷從前的廉潔香港。「香港自治運動」昨日遊行時高舉藍色龍獅香港旗,提倡普選特首、港人自治,讓港人重拾引以為傲法治與廉潔,弘揚昔日港英時代的「 old glory」。
自治運動昨日有30人參加遊行,成員劉先生解釋,龍獅旗象徵香港的「 old glory」,包括廉潔精神。他強調並非眷戀英國人的統治,而是懷念香港的法治和清廉,「以前港督同富商鄉紳只有官式交往,私底下會避嫌。雖然港督唔係民選,但係由民選英國政府委任。如果港督貪污,保守黨或者工黨會好大鑊」。

憂腐敗影響下一代

劉先生又指,雖然曾蔭權的貪腐行為不能與台灣前總統陳水扁相提並論,但至少反映香港回歸後,貪污文化已滲透香港,「一切貪污都係從貪小便宜開始。如果曾蔭權仲有良知,請你盡快停職等待廉署調查,唔好等到鋃鐺入獄,香港名聲掃地,先至向上主懺悔」。
經常返內地做生意的苗先生認為,曾蔭權貪腐醜聞反映本港官員回歸後徹底「大陸化」,令港人蒙羞,「大陸好多官連稅都唔使報,鍾意交幾多都得,乜嘢都靠拉關係。香港高官染咗大陸嘅壞習慣,曾蔭權雖然冇貪得咁勁,但絕對唔可以容忍,佢點都要坐一次監,先可以撥亂反正。」
苗先生直斥曾蔭權「教壞細路」,擔心特區政府的腐敗文化影響下一代,於是昨日帶兩個女兒遊行,「我好緬懷97年前嘅香港,起碼仲有法治。以前教科書會講大躍進死好多人,家教育都變埋,下一代連真相都唔知。我要畀小朋友感受吓社會發生乜嘢事,知道做錯事會有後果。唔係同議員夾定口供,去立法會講幾句就甩到身」。
從事運輸業的李先生慨嘆,回歸後內地攀附權貴的歪風吹到香港,全因本港遲遲未有普選,因此上街抗議小圈子選舉,「廉潔係香港最後防線,但係廉署阿頭就係特首,最後只有民主制度先可以制衡佢」。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載