› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2013年01月08日

爽人物:Top Sales谷底反彈 唔係靠車

139,170

有這樣一個人:為勞斯萊斯開荒推銷新型號名車,創下億元生意額神話,客人包括何鴻燊、李國寶、趙世曾。當過上市公司董事總經理,巴閉到有人在人民大會堂設國宴款待他。但也試過炒燶股欠巨債,差點雙料自殺。「逆境時有勇氣後退,先係大勇」,過山車般的人生,讓他寫下自傳《以退為進》,他是梁錦棠。 記者:呂麗嬋

梁錦棠現年65歲,他的故事,要由40年前說起,當年他19歲,「屋企開大牌檔,兩房人十幾兄弟姐妹,嗰個年代做推銷員地位極低,但冇本生意,賺錢最多。想發達,就入行」。第一份工在洋行做「行街」。每日洗樓「㩒鐘仔」,推銷名廠打字機。勝在勤力面皮厚、日做14小時,還追到老闆的靚女秘書。拼搏Top salesman本質,早露雛形!
只是進取的他,還是不甘心。七十年代,股票狂升,他辭工全職炒股,見識過師奶買餸錢炒股都發達的年代,1973年遇上股災,一鋪清袋。「要阿媽賣金幫我還債」,好在上一代香港仔,就是打不死,「炒股搵到,成日換車,有研究,索性轉做汽車經紀」。

失業欠債圖雙料自殺

八、九十年代經濟好,躭歐洲靚車,為成功標記,屢被高薪挖角的梁錦棠,吃盡經濟起飛的甜頭,1994年攀上事業高𥧌,任職的紳寶公司(Saab)成功上市,他升任董事總經理。當年,紅得發紫的黎明開《夏日傾情演唱會》,紳寶冠名贊助,獨家代理的開篷車更成一時潮物,銷量破盡紀錄。
只是,2003年沙士引發的經濟巨浪,持有大量股票的他,再次跌落谷底。「大環境瀰漫住負面情緒,因為權鬥,我剛離開舊公司,工作冇着落,股票跌又欠落銀行百幾萬元,唔敢同屋企講。嗰時已經50歲,唔同73年嗰次,覺得翻唔到身」。越不想面對越抑鬱,萬念俱灰下,他想到死,「買咗炭同安眠藥,放喺車度,連遺書都寫埋」。

曾獲賭王李國寶襄助

臨死前重遊舊地,就像電視劇情節,衰到貼地,遇到法師,被罵醒:「你死咗就一了百了,難為最愛你嘅家人!」甫打消尋死念頭,即遇上他人生的轉捩點,「嗰時咁啱勞斯萊斯嚟香港開陳列室,推出全新車款Phantom(幻影),問我有冇興趣加入,超高底薪,加埋豐厚佣金,筍到你唔信」。
50多歲,重新上路,「第一日上班,訩住公司俾我嘅870名VIP名單,彷彿又回到廿幾歲,朝九晚八,馬不停蹄cold call、見客。但嗰時經濟唔好,幻影車價要600、700萬元,第一個月一部都賣唔出」。賣車不成,剛好賭王何鴻燊的勞斯萊斯要翻新,他靈機一觸,變陣幫富豪翻新名車,打開缺口。
「我將賭王架車番新前後嘅照片,電郵畀其他客戶,竟然生意滔滔,平均30幾萬元翻新一部車,一個月接到近十單生意」。連續三年,梁成為銷售冠軍,創下一年賣出26部勞斯萊斯的紀錄,為公司賺逾1.8億元,而最令他感動的是,向他買下首部幻影的東亞銀行主席李國寶,主動提出借錢給他還清債務,雪中送炭。
「人生好長,喺逆境時,識以退為進,也是一種智慧」。梁錦棠說:「唔走到最後,你永遠唔知,你係咪可以絕處逢生。」

客人如外遇 賣車似婚姻

專賣頂級靚車,梁錦棠是行內出名的Top salesman,叫他教授銷售心法,已婚的他形容每一位客人,都是他的「外遇」,「首先是『追求』,了解對方喜好,配合客人的實際需要,提供選擇,切忌誇張作大,我賣的是『老實』」。喜歡引擎聲夠動人?還是空間大,方便接載家人?抑或純炫耀?要對症下藥。
靠誠意把客人「追到手」,接下來就是「結婚」,他說要讓對方了解契約(條款),然後等待排期(交車)、註冊(登記),「交車之日,就係舉辦婚禮之時,我會着得隆重啲,通常袋口放上絲巾,以示尊重」。結完婚,久不久一個電話問候,需要時隨傳隨到,唔好因為「結晶品」(新車)出咗世(賣出)就變臉。賣車如婚姻,收到未?

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載