› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2013年10月12日

粉絲開館 推廣電車文化
展出稀有珍藏品 分享老香港情懷

60,122

【本報訊】「叮叮、叮叮!」有百多年歷史的電車,不僅是訪港旅客必遊景點,亦是港島人日常生活一部份。80後電車迷Eric,在山頂開設了全港首家以電車為主題的電車文化館,展出一批珍貴電車歷史文物,向遊客推廣電車文化,也讓更多人分享「老香港」情懷。
記者:盧勁業

今年29歲的李俊龍(Eric)是香港電車迷會「電車友」會長,對電車的熱愛,緣於兒時居於跑馬地,「時代廣場重建前係電車廠,細個嗰陣我同媽媽去鵝頸橋街市買餸,順便去睇電車;我當時見到花花綠綠嘅電車廣告,覺得好吸引,我仲會扮電車,去行地面縱橫交錯的入廠路軌」。
這份情意結,驅使他長大後膽粗粗向電車公司申請授權,在工餘時間設計及生產電車精品;他的熱誠最終打動電車公司而獲批准。一年前開始,他在山頂廣場擺檔售賣電車精品,大受中外遊客歡迎,現更「升呢」租舖,於10月1日成立電車文化館,小小館內,放滿各種珍貴電車歷史文物展品,不少由電車公司、退休電車司機等捐出,或搜羅自海外收藏家,免費供遊人參觀。

車票打孔機成鎮館之寶

鎮館之寶是一款30年代由英國製造的車票打孔機,「當年電車有跟車售票員,售票員就係用呢款打孔機,喺(車票上)乘客登車車站名上打窿,打窿時會發出清脆聲音」。電車公司在70年代末停止人手售票,打孔機亦早已散失,這部是從一名已退休的電車公司員工處覓得。
歷史最悠久的,則是有「電車靈魂」之稱的電車輸電總掣,生產於上世紀20至30年代英國,重十多公斤,「呢個可以話係電車開關掣,生產佢嗰間英國工廠喺40年代已經執咗笠,但個掣過咗一個世紀仍然運作暢順,𠵱家全香港仲有3架電車用緊呢款輸電總掣供電」。
比起這些珍貴文物,最讓Eric鍾情的是一款名不經傳的60代電車塑膠玩具,「呢款係當年少數以香港電車為藍本製造嘅玩具,非常罕見;雖然係港產,但呢款玩具當年外銷歐美,要喺外國人手上先買到返嚟」。
展品皆為非賣品,文化館經費由售賣精品收入支撐,財政「掹掹緊」,但Eric說已相當滿足,皆因能透過文化館將電車文化發揚光大。下一步他希望政府可牽頭興建一座交通博物館,讓香港人全面了解香港交通發展。

電車文化館資料

地址︰香港山頂廣場二樓18號舖
開放時間︰星期一至日上午10時30分至晚上8時30分
網址︰http://www.facebook.com/hktramstation


有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載