› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2014年03月03日

立會議案投票 不撐言論自由
建制派忽然走出來抽水

120,026

【反暴力遊行】
【本報訊】「捍衞編輯自主」、「以特權法查電視發牌風波」等與新聞或言論自由有關的立法會動議,他們不是缺席、棄權就是反對。諷刺的是民建聯鍾樹根、蔣麗芸、經民聯梁美芬等對新聞自由「有破壞、無建設」的建制派議員,昨卻現身撐新聞自由的「反暴力、緝真兇」大遊行。
記者:姚國雄 陳凱迎 彭美芳

記協昨日的默站、集會和遊行,建制派議員包括蔣麗芸、鍾樹根、梁美芬、自由黨鍾國斌、工聯會麥美娟也有現身。他們五人和所屬的政團,以往在多個捍衞新聞自由的議案並沒投票支持,更甚是反對,令部份議案遭否決。
蔣麗芸被問到為何昔日民建聯在新聞自由議案投反對票,今日卻出席爭取新聞自由的遊行,她回應時顯得結結巴巴:「哦唔係,有關新聞自由,我哋唔係話投反對票,而係有關措詞,我哋……有啲嘢我哋係唔同意,或者係……即係唔同意佢(議案)嘅講法,但由始至終,民建聯支持新聞自由、言論自由。」今年1月的捍衞編輯自主動議,民建聯反對,鍾樹根投了反對票,蔣麗芸投票時缺席。

蔣麗芸指記協橫額「太暴力」

蔣又批評記協以「They can't kill us all」做大橫額「太暴力」:「呢句唔好,我唔鍾意,好似講到『你有本事就殺我,你殺唔晒我㗎!」我覺得唔好咁,香港係一個和平社會。反暴力已經好足夠。」若《明報》將來若遇到國家領導人的醜聞,是否繼續報道?蔣想了幾秒說:「咁我覺得假如係事實嘅話,當然要報道,最終由報紙編輯自己決定。」

曾任記者的梁美芬2009年曾對捍衞新聞自由動議投棄權票、2011年就類似的動議投反對票、今年1月就捍衞編輯自主動議再投棄權票。她昨指出席默站是反對暴力行為,必須清楚表達,公眾認為劉遇襲與《明報》有關也屬合理,但原因要待警方調查。自由黨鍾國斌在今年的捍衞編輯自主動議投票時缺席,但該黨支持有關動議,不過,自由黨過去曾兩度反對捍衞新聞自由的動議。他認為今次事件大是大非,不分左中右,他指,立會稍後將辯論譴責兇徒斬傷劉進圖事件議案,自由黨會考慮提出支持新聞自由的修訂案。
另一出席遊行的工聯會議員麥美娟,曾反對以特權法查港視發牌風波。她指,近日連串針對傳媒的事件,令人覺得香港傳媒工作越來越困難,又稱若說劉進圖被斬與新聞自由無關,「冇乜人會信」。
在年初提出「捍衞編輯自主」議案的梁家傑希望,建制派日後身體力行,言行一致。此外,身在北京的全國人大代表、保安局前局長李少光表示與劉進圖相熟,對他遇襲感到憤怒,並且予以譴責。

名人有話說

歌手 黃耀明(左)
「大家都擔心警方破唔破到案,冇人想香港變成恐怖同暴力城市。」
歌手 何韻詩(右)
「𠵱家有人被斬,已經係大是大非,唔能夠再沉默,要為此抗爭。」

藝人 鄧萃雯
「自己不斷疑惑,點解香港會搞成咁,覺得再唔出嚟可能冇得再出聲。」

藝人 泰迪羅賓
「呢件事係大是大非,應該要表態,新聞自由同言論係最重要,直接影響香港嘅核心價值,今次事件係對香港市民一個警號!」

導演 張堅庭
「劉進圖六刀對佢嚟講係好大嘅傷害,對香港人嚟講係個警醒,我好多朋友都有11年冇出嚟遊行,今次出嚟因為覺得(問題)都幾嚴峻!」

威普諮詢前亞洲區總監 伍珮瑩
「大家見到劉進圖先生咁樣俾人傷害,所有香港人今次都應該企出嚟,支持佢同埋佢屋企人。香港咁安全嘅地方,唔應該容忍呢啲暴力事件。」

財政司司長政治助理 羅永聰
曾在《明報》任採訪主任的羅永聰指財政司司長曾俊華知悉他會上街。他指:「劉進圖過去係我上司,今次出嚟遊行係為咗聲援昔日嘅上司。」

前全國政協 劉夢熊
「呢六刀斬喺佢身上,實際上斬喺自由嘅核心價值,每一個香港人個心都捱咗呢六刀。」

報業公會副主席 盧永雄
「佢哋係想用暴力令我哋新聞界懼怕,但我哋今日咁多人企出嚟,唔同新聞業界團體都上街,正好證明我哋唔會怕。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載