壹週刊 忽然一周 飲食男女 me! FACE Ketchup 交易通.搵車快線 NEXT+ONE Tomonews nxTomo
2014年07月08日

鄺保羅踩7.1遊行:出咁多聲做乜?

81,618

【記者姚國雄報道】身兼全國政協委員的聖公會大主教鄺保羅(圖)周日主持講道,批評有人經常要求他發聲,令他有感「唔出聲就會啞」。他舉例指耶穌被判死刑時也是默默無聲,認為有些事「無聲勝有聲」。鄺批評在佔領遮打道被拘捕的學生到警署後要求上洗手間和食物,反諷他們「不如帶埋菲傭去遊行」。
當社會各界高唱《問誰未發聲》,希望凝聚力量爭取真普選,鄺保羅在周日講道中稱,不滿經常有人要求他發聲:「𠵱家啲人見親我、或者教會嘅領袖,一定會話:『我哋要發聲!成日都要出聲,乜都要出聲,明唔明?一定要抗爭。』唔知成日出咁多聲做乜?好似唔出聲就冇機會,就啞㗎啦。」他更舉例指耶穌面對被判他死刑的人面前也沒發聲:「佢好似一隻被宰殺嘅羔羊,默默無聲!有陣時唔係一定要出聲嘅,無聲勝有聲。」

「不如叫佢遊行帶埋菲傭」

鄺這次講道時長17分鐘,內容主要批評議會暴力和7.1遊行:「上星期遊行,有個年輕人俾記者問點解第一次出嚟遊行?佢話:『係呀,今年唔出嚟,出年就冇㗎啦!』」吓?遊行絕後喎,咁我都應該去遊行,帶晒主教帽,帶晒像去啦。」
不少人也受學生和平佔領遮打道而感動,對學生到警署被剝奪權利而憤怒,但鄺不以為然:「(警方)捉咗啲學生,第一時間同啲記者講『哎吔!我哋又冇飯食、去廁所又要排隊。』我心諗,記者又唔訪問我,(我會話)不如叫佢遊行帶埋菲傭去囉。」他又認為香港從來無自主:「香港幾時有自主?香港係高度自治㗎咋嘛。」
民主黨立法會議員劉慧卿指鄺不應如此批評有理想的學生,認為其言論像發晦氣:「唔少地方宗教領袖,都同群眾一起爭取民主自由,但佢就唔係幫市民打氣。」
鄺過去曾發表「普選不是萬靈丹」的言論,指出不贊同以公民抗命手段爭取普選,對於和平佔中有保留。

鄺保羅部份言論

•「𠵱家啲人見親我、或者教會嘅領袖,一定會話:『我哋要發聲!成日都要出聲,乜都要出聲,明唔明?一定要抗爭。』唔知成日出咁多聲做乜?好似唔出聲就冇機會,就啞㗎啦。」
•「耶穌喺彼拉多(判耶穌死刑的人)面前唔講嘢,佢好似一隻被宰殺嘅羔羊,默默無聲!有陣時唔係一定要出聲嘅,無聲勝有聲。」
•「好似上個禮拜,(警方)捉咗啲學生,第一時間同啲記者講『哎吔!我哋又冇飯食、去廁所又要排隊。』我心諗,記者又唔訪問我,(我會話)不如叫佢遊行帶埋菲傭去囉。」
•「上星期遊行,有個年輕人俾記者問點解第一次出嚟遊行?佢話:『係呀,今年唔出嚟,出年就冇㗎啦!』」吓?遊行絕後喎,咁我都應該去遊行,帶晒主教帽,帶晒像去啦。你睇吓啲人講到『嘩!好似成個香港變啦,乜都冇晒。』好多人好信呢啲嘢。因為我相信呢啲人心裏完全冇平安,佢只係收一方面信息,個腦筋完全唔識得去分析。」
•「又有人話:『我哋香港一定要抗爭、我哋香港冇晒自主㗎啦!」香港幾時有自主?香港係高度自治㗎咋嘛。」

資料來源:香港聖公會聖保羅堂網頁http://dhk.hkskh.org/stpaul/sermon2.aspx?id=3225

年輕人對政府評分下跌
與救生員男友爭執後獨自下水
陽光美少女石澳遇溺亡
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved