› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2015年05月26日

跳樓重創 須枴杖助行
90後青年悔自殺 盼康復再起步

67,995

【本報訊】「做咗咁多手術同物理治療,個個都想我康復,無論如何我都會堅持!」在破碎家庭長大的裕仔,兩年前跳樓自殺飛墮18層樓着地,大難不死卻跌碎盆骨,摔斷左手,重創雙腳。休養一年半,奇蹟康復的他後悔當日輕生,現靠中醫針灸令左腳恢復活動能力。他有信心重新用雙腳走路,再踏出自己的人生路。
記者:陳嘉穎 張鼎和

90後的裕仔姓梁,現年23歲,16歲那年父母離婚,家庭破裂令他大受打擊,其後患上抑鬱症,曾經兩度自殺,都被父親發現救回。去年1月,他第三度自殺,這次他瞞過父親由黃大仙下邨18樓寓所躍下,「當晚7點幾坐喺18樓後樓梯,腦海充斥負面情緒,食完一支煙,㩒住個欄杆飛咗落去」墮樓那一刻至今難忘,「風速好大,跟住就冇知覺,醒番已經喺醫院」。

醫護買蛋糕慶生日

意外中他盆骨碎裂,左手右腳骨折,右腳斷成三截要靠鋼釘固定,左手骨折亦要植入鋼片,左腳掌神經線重創。大難不死之後是漫長康復期,去年4月的22歲生日亦在醫院度過,醫護人員竟買來蛋糕替他慶祝,小驚喜令他重拾求生意志,後悔「當日太唔珍惜生命,呢個決定(自殺)真係好愚蠢」。
他說自殺前事事不如意,女朋友離他而去,加上沒按醫生指示服抗抑鬱藥,出事後一年,裕仔需坐輪椅。他堅持每日做物理治療,他指每次治療都痛入心,但結果是曾斷成三截的右腳現時已可落床用力,他更保留之前用過的兩個腳架和枴杖,作為經歷生死的見證。
今年1月起他接受中醫針灸,令原本無知覺的左腳掌神經逐漸恢復,現時他已可靠枴杖助行,只是左腳仍然無力,走路時十分吃力。對自己能夠重新走路,裕仔直言「保得住條命,仲行得番,真係要感恩。」

無力付針灸治療費

裕仔現時把精力用在康復上,堅持每天練習走路鍛煉腳力,不過只靠3,000元綜援生活的裕仔,根本無力支付每月1,400元的針灸費用。他父親亦無積蓄,更自責當年自己嗜賭,跟患抑鬱症妻子鬧翻,現時他只能在精神上支持兒子。
曾經歷生與死,裕仔說「如果畀我揀多次,我唔會咁做」。他最大心願是醫好左腳,可以重新靠雙腳行路,更勸勉失意人「無論乜事都好,自己條命最緊要,有唔開心可以搵人幫,做運動」。
「蘋果日報慈善基金」了解裕仔的情況後,正替他籌措中醫針灸費,盼善長慷慨解囊,令裕仔可以繼續接受治療。
「裕仔」捐款編號:C3926
網上捐款:http://bit.ly/1nQRthE

網上捐款 捐款記錄
關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載