› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2015年11月27日

【壹錘專區】區選大贏家致勝6招
新同盟「格食格」兼「內鬥」

23,741

數今屆區選成績最亮麗的,非新民主同盟莫屬,16區出選贏15議席,勝率達九成四。新民主同盟創會成員范國威和議會「新鮮人」周炫瑋接受《壹錘定音》訪問,不介意公開致勝攻略,讓其他政黨借鑑。范國威形容自己今屆選情比往年嚴峻,「以往幾屆都係一個泛民對一個建制,但今屆有好多聲稱自己係獨立、假傘兵。其次有大量選舉違規行為,尤其選舉倒數10日,抹黑候選人嘅『黑函』就會寄上樓」。

新民主同盟如何化解?

策略一:度身訂做選舉形象
今屆新民主同盟除了議席上的躍進,更出了一個票王,大埔怡富選區的任啟邦得票超過4,000。范國威笑言為任啟邦度身定做「絕世好男人」形象,「除咗紮實嘅地區工作,佢本身係兩個小朋友嘅爸爸,我哋如實地將佢啲家庭生活,例如係做家務嘅議員,咁樣就會變成絕世好男人對唔算小花嘅女候選人,就會出現優勢」。相反,任的對手民建聯張鳳燕選舉策略出錯,「佢唔適合上鏡,錯用video sell佢」。范直言她要轉選區,才有勝出機會。

策略二:格食格
有分析指「首投族」左右今次選舉結果,范國威指他們亦留意到這個趨勢,所以專門挑選一些年輕選民較多的選區,「今次我哋沙田出5個都贏到,有兩個後生仔,佢哋都會刻意去揀對手,都係公民力量,已經連任4、5屆,因為佢哋都開始因循、老化,都係『格食格』咁打呢場選戰」。

策略三:把握對手弱點
首次參選的周炫瑋今次出選寶雅選區,對手是連續四屆當區區議員黃容根,地區經驗雄厚,但周炫瑋卻巧妙地將他的優勢變成弱點,「落咗區幾個月,有街坊同我投訴有條斜路好斜,而呢個問題已經好多年,於是喺我哋努力跟進之下就有改善。而對手就指其實佢哋一直都有跟進斜路問題。但街坊就會覺得點解一條斜路都要搞咁耐?」這件事令居民更想求變。
策略四:網絡吸票
基本上所有政黨都會用網絡作宣傳,但如何將「Like」的數目化為選票,新民主同盟有自己一套心得,「唔少後生仔或者中產,都會成立一啲社群討論地區事務,如果你做咗啲地區工作俾佢哋觀察得到,並且喺入面討論甚至發酵嘅話呢,呢個就不得了。喺將軍澳海濱因為有大媽喺度唱歌跳舞,市民於是搵我,然後原來我係咁多個候選人,第一個去信政府部門同覆番佢哋嘅,後嚟呢件事就成為咗網民討論熱點」。
策略五:精美文宣物品
每逢選舉,宣傳單張都多不勝數,如果可以令選民留下印象,對之後的選戰自然事半功倍,「我(范國威)今次就整咗係兩個大品牌智能電話形狀嘅單張,針對啲低頭族,於是個感覺就好似睇緊部手機去閱讀我嘅政綱、地區工作,呢個好受歡迎,最後派咗成萬張出去」。
策略六:戰友「內鬥」
新民主同盟有一個WhatsApp群組,競選期間大家會把自己「企街站」的時間上報上群組,周炫瑋坦言,當你見到戰友在別區朝六晚十一地作戰,自己也不敢怠慢,自然有動力做得更加好。
訪問中,范國威自嘲新民主同盟為「新民主窮人」,但他們在資源有限的情況下,利用創意,拼勁和精密的選前策略,打贏這場「選戰」。
■記者黎千銘

【壹錘專區】
星期一至五黃昏
6時直播

《壹錘定音》收睇/收聽方法

1:手機App
《蘋果動新聞》手機App右上角有【壹錘定音】icon,一按即聽;按左上角icon,彈出【壹錘定音】選項,一按即睇。

2:網頁
http://www.hammerout.hk/

直播PHONE IN:29923333

WhatsApp留言/報料:91323813

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載