› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年03月08日

斥如鬧劇 
葉家寶:晒錢好肉酸

121,419
■亞視前執董葉家寶指對亞視亂局感傷心。陳志嵐攝

【本報訊】亞洲電視提早「熄機」事件發展得𥧌迴路轉,亞視臨時清盤人德勤日前解僱亞視全體員工後,亞視再重新聘請160名員工,但禁止員工追討1、2月的欠薪,事件引起社會各界關注。
對於亞視近日的亂局,亞視前執行董事葉家寶昨日受訪時,直言感到傷心:「諗唔到(亞視)會亂得咁犀利,成件事好似一齣鬧劇咁,好似拍電影咁,你晒一篋錢(上周五亞視股東代表何子慧開記者會晒500萬元現金和500萬元支票)做乜?」他又表示:「有錢咪出糧畀啲同事囉!我覺得咁樣好可悲,最後結局係咁樣,真係好肉酸。」
葉家寶又質疑為何政府未有就亞視的一連串問題出手,他表示:「點解政府喺整件事件上面好似冇角色?任由亞視喺呢段期間亂舞?」

指遭亞視拖欠逾百萬元

葉家寶又指亞視至今拖欠他過百萬元,他坦言:「我人工、罰款,過去一年嘅應酬交通費,加加埋埋粗略超過一百萬,希望有途徑可以追番。我都好驚乜都攞唔到。當初自己堅持留守,係睇到公司有希望,諗唔到原來係個幻滅嘅希望。」
另外,被重新聘請的亞視員工昨日則如常上班,亞視發言人黃守東昨日指出上班員工人數有過百人。對於有指亞視對員工的新合約涉嫌違法,黃守東就表示:「公司暫時唔評論,留低嘅同事做好目前嘅工作先,遲一步再睇睇情況。」
提到目前亞視指有錢發放3月的薪金,但遭拖欠薪金的前員工卻要申請破欠基金,此事是否矛盾?他表示不評論公司的政策。
而亞視老臣子程啟光昨日亦如常上班,並指亞視有情有義,自己會繼續努力工作。
■記者戴彩煥、羅慧敏

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載