› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年02月11日

警被指講「死梗喇捉到嗰啲」

11,446
■女被告許嘉琪(中)昨在親友傘陣護送下離開法庭。楊家樂攝

【暴動案】
【本報訊】去年年初二凌晨旺角騷亂中,兩男一女涉向警方投擲玻璃樽及竹枝,被控暴動罪,案件續審。庭上播放當晚警方拍攝的事發片段,可見警方向聚集人士推進時,攝錄機旁傳來一把男聲謂「死梗喇呢批,捉到嗰啲」。拘捕女被告的女警被盤問下說:「唔好意思,單憑聲音,我唔知係邊個(說話)。」辯方指稍後將證實聲音來自警員。
辯方一度問該女警盧蔚賢當時有否「捉到呢班人就死梗嘅心態」,法官沈小民質疑:「掟嘢有冇犯法?當時有人喺警務人員面前犯法,捉人有乜問題?」辯方終沒追問。盧曾作供指22歲女被告許嘉琪兩度投擲玻璃樽,但她在庭上看過警方片段後,卻數了4次出來。盧解釋,在現場確只目擊女被告擲樽兩次,其餘未有為意。對於是否有高大男警首先捉住許,盧答「冇印象」,而是否有警員數度將許的頭撞向鐵閘,盧答「唔清楚」。

「mission做乜冇講過」

被指押送許期間曾大力捉住她手臂、令她感痛楚的女警葉頴茵出庭作供,對曾否接觸許謂「我唔係好記得喇」。不過她看過庭上播放無綫新聞有關許被制服片段後,確認片中用手壓住許後頸、令許頭部頂向鐵閘的是她本人。葉又指當晚臨時奉命到場,「冇人exactly講過要做啲乜嘢,只係知設立防線、控制人群,mission做乜完全冇人講過……我收唔到囉,唔知有冇人講過」。
案件編號:DCCC710/16
■記者楊家樂

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載