› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年05月18日

黨友避答周浩鼎應否辭職務

31,339

【本報訊】民建聯議員周浩鼎「私通」特首梁振英,干預立法會調查UGL事件後,據知民建聯大部份黨友認為周應辭去委員會工作,而最終周浩鼎未有辭職,只稱自己「冇乜留戀」有關職位,據悉與特首梁振英認為周浩鼎「冇做錯」,所以毋須辭職有關。而建制派及民建聯議員亦受「連累」,不斷被追問周應否辭去委員會職務,大部份人均迴避表態,民建聯副主席張國鈞更直言「意見畀晒佢(周浩鼎)啦」,「畀佢自己決定啦」。
民建聯和建制派議員昨早現身立法會走廊時,均被大批傳媒包圍追訪,要求他們交代是否支持周浩鼎辭去專責委員會委員職務。其間多名民建聯議員均拒絕「撐鼎」,但亦避談周浩鼎應否辭職,周的「師傅」黃定光稱:「我唔會回答呢個問題。」周另一黨友劉國勳則指,已給意見予周,「最終其實等佢自己決定」,但拒透露意見內容。近日從未回應事件的陳恆鑌和何俊賢稱,「我哋都作咗回應,我哋冇補充」。

蔣麗芸:周誠信非常之好

一眾民建聯議員中,只有梁志祥一人繼續死撐周浩鼎,連聲說:「我支持佢(周浩鼎),我支持佢」,指周浩鼎已向傳媒及公眾「解釋晒」,「佢嘅決定我哋覺得係支持,冇其他解釋」。另一黨友蔣麗芸拒作正面回應,只大談周浩鼎性格,讚周「誠信非常之好」,但認為周在今次事件上可處理得更好。
工聯會議員黃國健昨因周浩鼎事件被記者包圍採訪時,大感意外向記者指:「又關我事?」被問到周是應否辭去委員會職務時,黃只稱會尊重周和民建聯決定,「我相信佢(周浩鼎)識諗嘅」,又稱「佢(周浩鼎)黨團咁多高手,相信最後都會有一個正確的決定嘅」。
■記者林俊謙

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載