› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月12日

【DSE放榜】學生最憎金句:盡咗力就得

87,160

明天香港中學文憑(DSE)放榜日,大家打算如何安慰成績未如理想的考生?青協在2005年曾訪問600位會考生,選出十句最愛打氣說話。事隔12年,這些說話是否適合現今青年人口味?為此記者進行了街頭訪問,收集年輕人意見,並讓他們剖白最想身邊人如何為自己打氣。
記者:馮樂婷攝影:李錦鏵美術、剪接:希彤

十句「會考生最愛打氣說話」(2005)
1.你知道自己盡咗力就得啦!
2.沒有解決不了的困難,視乎你有無心去面對!
3.一次失敗非永遠失敗,何妨站起來再試過!
4.成功唔係靠一次會考,係靠不停努力去嘗試!
5.唔好咁灰啦!廣告都有話:希望在明天吖嘛!
6.叫得難關,唔會易過,但只要唔放棄,一定可以衝破!
7.人生考驗好多次,會考呢關非難事!
8.咁多條路,梗有一條行得掂嘅!
9.只要你個心唔覺得失敗,咁你就從來未失敗過!
10.此路不通?So what!路是人走出來的!

街頭訪問
受訪人數:20人
年齡:14-22歲(中二至大專畢業生)

回應1:最不想聽「你知道自己盡咗力就得啦」
五位考過文憑試的受訪者不約而同指出,經常聽到「盡咗力就得」,感覺很無奈。大學生Harry反問:「考DSE可以唔盡力嗎?」。其餘受訪者則表示:「就係盡咗力都考唔好」、「對個個都咁講,好hea」。

回應2:「老土」、「翻白眼」、「離譜咗啲」
大學三年級的Jonathon看見十句打氣說話後,不禁暗笑:「依啲都好『娘』喎!」中五同學Joy更直言:「希望在明天真係反白眼!」有受訪者亦指,「只要你個心唔覺得失敗,咁你就從來未失敗過」,這一句太離譜。

回應3:最想聽到.....
「我覺得屋企人唔好怪我就得囉。」曾重考DSE的大學生Hei說。不少受訪者指一聲「加油」已足夠,大學生楊同學則指「唔好理我,基本上你講咩都踩地雷。」亦有受訪者希望家人和朋友可以給予實質支持,例如買零食。

專家教路:
曾任職社會福利署、08年執業的註冊臨床心理學家陳燕妮(Jenny)指,打氣時忌說「唔好唔開心」、「唔洗失望」等否定考生情緒的說話:「要保持開放但被動少少嘅態度,先俾空間青少年消化成績帶來嘅衝擊,接納佢嘅情緒。」當青少年主動找你時,讓他知道你不會用成績來批判他努力與否,願意陪伴他和按他需要提供協助。「一種明白同陪伴,比象徵性嘅安慰或者急著解決問題重要。」

Jenny還提醒家長:「唔好淨係睇到個分,睇唔到個人。」她建議家長不要第一時間問「成績點呀」,而問「你ok嗎?」她又指DSE的評分標準與以前公開考試很不同,需要諒解子女面對只存在6年的DSE也很迷茫。「其實依家個成績會受到好多因素影響,並唔係仔女可以完全控制。」Jenny亦為考生感無奈。放榜前,家長可以先與仔女商量各種成績的應對方案,達成協議。至於選科期間,家長需聆聽考生的取向,給予子女空間選擇。

陳燕妮(Jenny)2008年於香港中文大學取得臨床心理學碩士學位,隨後於社會福利署及精神復康機構工作多年。她指在社會福利署遇過很多「水深火熱」的個案,彷如在急症室上班。現時她在獨立社會服務機構「呼吸微笑身心正念中心」工作,專長為受抑鬱症、焦慮症、心理創傷,適應困難及親子關係問題所困擾的人士提供心理評估及治療服務。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載