› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月19日

過百蜥蜴走私變乾屍
90後義工好心痛

50,687

「將百幾隻蜥蜴困在一個小木箱,搭飛機搭船,交到我哋手已經乾曬,紙咁薄,十死九生。」時有聽聞漁農自然護理署檢獲非法進口的野生動物,你有否想過牠們最後會流落何方?廿歲的飼養員Alvin每晚跟蜥蜴「同眠」;別人溜狗,他則溜蜥蜴,「其他人會覺得蛇蜥係玩具,玩完可以賣返出去,喺我眼中佢哋係家人;我屋企人由抗拒我養蛇蜥,而家媽媽會趁我唔喺度,餵牛肉俾蜥蜴食」。
記者:程詩敏 攝影:李錦鏵、程詩敏 剪接:魏利民

有人繁殖了一堆小蜥蜴,將牠們困在一起養,釀成打鬥,「最後佢哋斷手斷腳,放喺我哋門口。」也有人將鬚蜥蜴放在紙盒遺棄在垃圾站,水也沒有。「鬆獅蜥係沙漠蜥,唔通你覺得佢可以喺香港野外生存?」香港兩棲及爬蟲協會,最為人熟知是照顧被遺棄的爬蟲動物,Alvin年前加入做義工。「我哋俾人取笑係巴西龜協會,因為巴西龜多人棄養;蛇蜴棄養唔算嚴重,始終可以賣返出去。」寵物的市場就是那麼現實,Alvin自言曾經都是「玩家」,喜歡收集罕有的爬蟲品種:「有朋友做爬蟲店,因利成便,我都有一齊玩,貪佢哋特別,可以放上網威吓」,不過加入香港兩棲及爬蟲協會一刻,Alvin由「玩家」變成爬蟲「拯救者」。

近來在Facebook和Instagram都有人喜歡貼變色龍和蜥蜴的影片,爬蟲舖亦會用「很易養」吸引客人。蜥蜴有市有價,背後也有悲慘原因:你在寵物店買的一條蜥蜴或變色龍,非法進口背後有幾十條「墊屍底」,因為批發商都知道運送過程會有大量死傷,牠們的命,只是成本的一部分。「變色龍係最難養,因為佢對環境要求高;手掌咁大,需要一個5至6呎高嘅籠,要有流動嘅水,咁先舒適,試問香港有幾多家庭有咁大空間?」Alvin家中的碌架床自幼用到今,只因下格有足夠空間讓他改裝成蜥蜴的籠。「我有兩隻黑白泰加,係兩兄妹,佢哋好有靈性,識得撞個籠叫我帶佢去浴缸上廁所。」

Alvin家中的籠有時是爬蟲們的「治療室」,五月份協會接收了一批由中東來的王者蜥,暫住在Alvin家,不幸地,最後七條死剩三條。這些非法進口被充公的爬蟲,不乏瀕危且極具觀賞價值的物種,Alvin雖然接觸爬蟲僅兩年,但努力由書本,YouTube,甚至論文學習飼養方法,更會代表協會擔任講座講者,分享爬蟲習性和飼養知識。

進出口及管有瀕危野生動植物種國際貿易公約(CITES)中的動物,若無許可證和衞生證明,違反《保護瀕危動植物物種條例》有關牌照管制的規定,可判處罰款500萬元和監禁兩年,涉及的動物亦會被充公。漁護署會將充公的動物送到不同的非牟利機構,待機構養大後再處理或讓公眾領養。不過並非每種野生爬蟲也適合新手領養,Alvin呼籲有興趣的朋友宜先學習飼養方法。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載