› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月24日

【香港有hiphop】
大學生唱劈友歌 睡房Rap出江湖味

13,102

歐陽靖(MC Jin)化身「Hiphopman」在大陸真人騷《中國有嘻哈》表現超班,偏偏評判左一句:「英文真的稍嫌多了一些」、右一句:「我希望聽到更多中文」,讓他險些被踢出局。許多香港人霎時間 Hiphop友上身,紛紛為 MC Jin抱不平,齊來擁護「香港Hiphop」,呼聲甚至比他2008年回流香港發展時更大。難道香港真的沒有Hiphop,連一個出色的音樂人都容不下?就由兩組新力軍為大家解答!
記者:陳麗賢
攝影:朱家駿程詩敏
剪接:魏利民

近年漸露頭角的組合「米奇老味神奇屋」由6位「97後」青年在兩年前成立,他們主打「Gangsta Rap」(幫派說唱),每首歌有粗口有「劈友」,家長可能一聽就皺眉頭,甚至標籤為「廢青」。偏偏他們全部都是知書識禮的大學生,歌曲背後還大有意思:「我覺得新一代除咗政治之外,都好少夠膽出嚟去做啲爆啲、表達到自己嘅嘢,個個都係掛住讀書、搵錢。我地做Hiphop第一樣嘢就係要大家玩得開心,佢(觀眾)會覺得『噢,我同呢個人係身處喺同一個社會裡面。』」

他們刻意營造的90年代港式江湖文化,是想反映「香港人身分」:「今時今日香港人可能睇番香港傳統文化係咩,可能就會諗番起容祖兒果類。但對外國人睇嘅話,佢會諗番起90年代港產片,或者李小龍啊。」

另一邊廂,在Hiphop界已大有名氣的唱作人DoughBoy,曾憑《狂舞吧》rap出第33屆香港電影金像獎最佳原創電影歌曲,更參與MC Jin最後一隻廣東話大碟《回鄉靖》製作。他認為香港對Hiphop有太多誤解:「有時有啲訪問話『嘩,你地咁堅持做一個咁地下既音樂?』全世界最主流嘅音樂,其實就係Hiphop。」他說有人甚至誤以為「Rock(搖滾)」等如「Rap(說唱)」,都是源自固步自封,又不肯去學:「香港好多觀眾都仲係好難去Open去接受好多嘢,唔係凈係音樂,唔係凈係Hiphop。」

不少人都關心在香港玩Hiphop能否賺錢,全職追夢的DoughBoy無奈表示即使奪得金像獎,都可以完全零收入,後來惟有走到台灣和大陸做音樂製作。雖然他剛剛推出的首張個人專輯成績理想,但平日都要靠幫歌星和廣告客戶做音樂幫補收入。米奇老味神奇屋認為,做Hiphop賺的是出騷得到樂迷支持:「即係見到個場面,嘩,啲人係真係會有個迴響喺度。」

除了知音人少,本地Hiphop界也不算團結,加上不易接受新風格,以致發展停滯。DoughBoy:「個個都太理自己啲野,或者係覺得自己好勁。」那新力軍又可以如何重振本地Hiphop?米奇老味神奇屋的蜜蜂翁已有一套堅定信念:「我地唔洗個個都同意,但我地要合作,搵到個身分出嚟。要令人見到Hiphop呢樣野,會覺得呢個係一個有價值嘅嘢,一個反映到香港嘅嘢,係一個有文化嘅嘢。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載