› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

忍痛21小時終拔釘 否認博出位
林子健:我好怕死

108,965

【本報訊】民主黨成員林子健稱日前於旺角街頭,遭疑似內地強力部門人員強行帶走禁錮及毆打,外界質疑他獲釋後未有即時報警及求醫,反而忍痛召開記招,直斥他自編自導自演。林子健昨忍痛21小時後終拔出大腿書釘,其後出院接受《蘋果》專訪,反駁指在沙灘被雨水淋醒後「嗰刻好驚……只想返屋企,點會諗報警」。有言論指林欲借事件參加立法會補選,「黐線啦!我百分之一百零一唔會選」,又坦言今次事件令家人擔驚受怕,日後將淡出政治圈子,「我絕對唔係英雄,我係一個好怕死嘅人」。
記者:譚靜雯

民主黨成員林子健前日報警稱遭人禁錮施酷刑,當晚到瑪麗醫院求醫,直至昨早10時50分步出病房。他身穿巴塞隆拿球衣及短褲,右手撐着枴杖,左右大腿均包上紗布,步履蹣跚會見傳媒。

手術無麻醉 歷時半小時

林前晚約10時接受手術。他表示,為了減低身體反應及風險,聽從醫生建議在毫無麻醉的情況下,歷時半小時拔除21口書釘,過程非常痛,大腿敷上紗布,書釘則交由警方作證。他稱目前情況「so far so good」,但經過警員錄口供,耗時6、7小時,目前感到身心疲累,冀事件盡快完結。
外界有人質疑林子健於事件上自編自導自演。林昨出院後接受《蘋果》專訪,嘗試講述被擄走經過,指當日在街上被兩名身形高大、外表「黑黑實實」及其中一名戴口罩的男子叫他:「林生、林生,大家聊一聊。」他就問:「咩事咩事?」對方就回答「沒事沒事」,隨即一人扼其頸、另一人挾其手臂,將他推上路邊的小型客貨車,連同司機共3人把他擄走。
他坦言,「成個過程(被擄走)可能一分鐘都冇,真係好快」。林稱在車上被夾在兩名男子中間動彈不得,嘗試掙脫不果,之後面骨及太陽穴位置被打,再被人迷暈後就昏迷。直至被打醒,他已被蒙了雙眼及縛在床上,過程中有人不停用普通話講粗口,又指他不愛國,要在其大腿上釘十字架。他直言,「第一下(釘)真係嘩咁大叫出來,之後被人捂住個口,唔畀我叫出聲,就再被迷暈」,終在沙灘被雨水弄醒。
對於外界質疑他獲釋後未有直接報警及到醫院求診,他自言「好細膽」,「醒咗嗰刻見到漆黑一片,睇唔到乜嘢屋、光線等,我都唔知(自己)喺大陸定喺香港」,最深刻印象是沙灘有好多石頭,「嗰刻好驚……只想返屋企,點會諗報警」。林又說:「我返咗屋企後六神無主,第一個反應係問我最熟兩條友叫何俊仁同李柱銘,我識佢哋廿幾年……佢哋又係律師,唔問佢哋問邊個?」

強調無意參與立會補選

他首次透露一直無意開記招交代,「本來我想喺私家醫生度搞掂佢就算(拆釘),我自己唔想搞大件事,老婆同阿媽都反對(開記招)……我絕對唔係英雄,我係一個好怕死嘅人」,但最終決定挺身而出,「因為要話畀香港人知發生緊乜事」。警方曾提出人身保護,但已被他拒絕,「(要)堂堂正正行返出去。」
有言論指林欲借今次事件參加立法會補選,林稱「黐線啦!我百分之一百零一唔會選」,又稱月底將赴美進修,「我機票都買晒」。他重申絕無意參與補選或在政治上更上一層樓,「我冇動機喺政圈發展,唔會再高度參與政治運動,做返個普通市民」。經歷今次事件後,他不想再活躍在政壇,「係嚇怕咗,令到我屋企人受傷害,令到佢哋無端端擔驚受怕,自己家庭更重要」。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載