› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年09月07日

朱偉聰入獄兩周 外婆首探望

129,241

【聲援良心犯】
【本報訊】因東北案入獄的13名抗爭者當中,最年輕的朱偉聰僅22歲。阿聰患有遺傳病,入獄兩周後,從小照料阿聰的七旬外婆趙太終於有機會到壁屋監獄見他一面,「聽唔到(判刑)新聞仲好,一聽到我就眼濕濕,怕佢身體不好,在獄中難受」。
趙太探監時叮囑阿聰要保重身體,因他小時候動過兩次頭顱手術,長大後氣管比正常人狹窄,睡覺時鼻鼾聲頗大,要定時用呼吸機,以免窒息,「我哋都好錫佢,特別係公公,佢睇到新聞會喊,佢每日都會幫個孫叠被同埋換床鋪」。

母:佢見弱勢就去幫

「我記得學民思潮時,佢去擺街站,叫我『婆婆,幫我拎物資到地鐵站』」。趙太憶述,阿聰自反國教運動開始投身社運,其後更成為大專政改關注組發言人,「有時我哋兩老講咗唔啱聽說話,佢會話『你哋唔明㗎喇!』」每當街坊和朋友批評阿聰「搞事」,她總為外孫辯護,「冇人搞事社會邊會進步?以前我哋內地落嚟,開工開足30日,點解而家有5天工作?人哋幫你爭取咋。不過有啲人安穩咗,覺得(示威)冇用」,「我唔係鼓勵任何人參加示威,只係我個人睇法,有人批評,我就咁回應」。
朱偉聰母親Lily說,兒子經常強調自己是香港人,「佢見到弱勢就去幫,勞工,全民退保,之前碼頭罷工佢都在場,真係百足咁多爪」。Lily笑稱,在兒子面前,她總是「扮堅強」,探監時強忍強水,只說了一句:「你都知我會撐你㗎啦」。
東北案第一次審訊時,阿聰對她說:「估到會留案底,但做咗就承擔責任」,最終覆核刑期後判囚13個月,Lily嘆謂:「如果法官話媽媽可以代坐監,我寧願我坐,佢哋應該享受年輕人生活。」
■記者程詩敏

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載