› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2016年01月13日

慳錢過年必裝着數apps

5,323

仲有個幾月,又到一年一度的農曆新年,除了辦年貨,仲要留定錢派利是,成個月人工好快使凸。但始終農曆新年,無得慳,惟有由日常生活入手,慳得一蚊得一蚊更實際。
最方便方法,就是下載定一堆着數apps,無論衣食住行,全部都有得平有得減。

即時優惠 SodaCard

香港較大型的儲分apps之一,只要行街時,到不同店鋪的SodaCard儲分機,掃一掃QR code,就可以儲到5分。用家亦都可以搜尋到身處位置附近,有無支援SodaCard的商戶。不過,最重要是不時都有即享禮物,例如半價食小籠包、半價食All Day Tea Set等,連儲分步驟都慳埋。

買一送一 The Entertainer

以本地消費為主,設定好地區後,就可搜尋附近優惠店鋪,用家只需預先購買優惠券,就有買一送一優惠。優惠層面亦算豐富,包括食肆、美容、消閒等近千款以上。但想享受優惠,就要先入會,盛惠年費$395,有關方面更話,最多可以慳番71.3萬元優惠,之不過,有幾多人可以用到盡,最好自己計清楚先入會。

碌卡有賺 香港飲食優惠

在衣食住行中,食都佔有一定比重,想慳可以下載這個香港飲食優惠app,當中除了有不少連鎖食肆供選擇之外,亦有不少折扣優惠,當中大部分以信用卡為主,例如用指定信用卡可享有九折、或購物滿一定金額可享有九折等,慳慳埋埋都幾和味。

方便取勝 Clipper

毋須儲分,只要在app內睇到合心水的商鋪優惠,就可即時下載優惠券,購物時,只需要出示手機優惠券即可。種類方面,有齊飲食、美容、時尚、玩樂等,但最吸引是可以利用地區分類,即時搜尋附近優惠。一大班人無主意去邊度之時,最好用。

睇勻商場 HK1Mall香港商場優惠

提供不同商場優惠資訊,由購物到泊車都有,不單只有大商場,更有不少細商場資料。據有關方面指,現時app內的優惠,已超過139個以上,總有幾間合心水。

快餐照慳 Storellet HK Loyalty App

好多人以為食快餐已經算慳,其實,如果用埋Storellet就慳上加慳,Storellet是個儲積分app,只需到指定商戶購物,之後就可以掃一掃收據上面的QR code,就可以直接變成積分,而積分可再兌換成電子優惠券。現時商戶包括KFC、PHD、牛一日式放題等,雖然未算多,但小數怕長計,值得裝定先。

撰文、攝影:蘆甘
mailto:features@nextdigital.com.hk

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載