› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

【下月生得】多圖!DaDa孖趙勁皓影半裸大肚寫真

11414
建立時間 (HKT): 0220 15:35

下月中正式榮升父母的趙勁皓(King)及盧頌之(DaDa),在上星期的情人節特別去影大肚寫真,臨盆在即的DaDa並沒水腫,依然臉尖尖,是個靚靚準媽咪。

雖然下月便做爸爸,但King直認:「要買嘅嘢準備得七七八八,醫生、陪月都book好晒,硬件上ready,但心態上仲覺得自己未夠成熟,自己工作又忙,驚唔夠時間照顧佢哋。依家計劃先註冊,婚宴同B女百日宴一齊搞。」

對於在情人節影寫真,他笑言:「情人節我哋一直好少慶祝,所以就揀嗰日影相,順便食埋飯當慶祝。因為預早約定DaDa過情人節,兼且一齊做咁有意義嘅事,所以特別感動。」

由於要兼顧處男自編自導電影、以及酒吧與食肆及健身中心等的生意,現在他嚴重睡眠不足,拍照時要數度休息叉電。

「因為前一日開通宵,所以影吓又瞓吓咁。見到DaDa個肚愈嚟愈大,我嘅壓力亦愈來愈大,一來會驚有咩意外,二來又驚照顧得佢唔夠好。」

DaDa腹大便便,King最怕她爭住執狗屎。

「我得閒除咗會幫佢按摩,盡量都唔俾佢做嘢,但因為我哋養好多狗,佢會好快手清潔晒狗仔嘅大、小便,所以依家我要同佢鬥快。」

更多 壹週Plus 文章

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載