› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

拍拖一個月即散 原來許亦妮是小三?

133923
建立時間 (HKT): 0318 22:45

吓!許亦妮同圈外男友朱先生咁快玩完?一個月貨仔咋喎!明明早排《壹》仔仲見住佢哋好似兩公婆咁,喺九龍城買水果返屋企吔,而男方仲好gentleman,幫許亦妮開車門添。估唔到而家已經……「完了吧,好無意外。」

是咁的,2月份,《壹》仔見到許亦妮同班Friend social緊,直到佢走嗰陣先發現,原來朱先生都喺現場,換言之即係帶埋男朋友出嚟見人啦!

之後二人坐住朱先生嘅紅色戰車,去到九龍城買水果,驟眼睇,十足十一對小夫妻買飯後果。 不過,朱先生電話突然響起,仲鬼鬼祟祟咁行埋一二邊陰啲陰啲咁聽。許亦妮揀揀下生果,發現男友唔喺身邊,又行到舞雷宮咁遠講電話,面色即刻變晒,仲昅到實一實,然後一副落寞嘅表情,再擰轉頭扁晒嘴。 當朱先生眼尾瞄到許亦妮出緊嚟,又即刻反方面閃咗去。

買完生果,兩人行去拎車,許亦妮似乎係到逼供,之後成程路又零交流,但朱先生只需要gentleman少少,幫女友開車門,許亦妮即刻笑返晒。

二月被影到一齊,而家就已經分咗手,歷時短短幾星期。或者,開始嘅時候就已經係一個錯誤,事關《壹》仔收到風,其實許亦妮係小三嚟架,所以當時同朱先生傾緊電話嘅,極有可能就係正印,難怪當時二人都咁緊張啦。

更多 壹週Plus 文章

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載