› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu

【漫畫店末路】200間執剩23間 逆潮流港女葵涌開舖賣二手書

4412
建立時間 (HKT): 0228 06:09

相關連結:【漫畫店末路】開舖5年慘蝕80萬! 漫畫迷打工養舖硬撐夢想

http://bit.ly/2lQ65j2

隨著將軍澳的漫畫小店結業,全香港的漫畫租書店只餘下23間。漫畫店「古妮之部屋」的35歲老闆娘,花光儲蓄在工廈開店,希望為漫畫業盡綿力,「我始終鍾意拎住本書的感覺,喺網上睇要左碌又碌,無咗揭書的質感」。

35歲的古妮,自細已是漫畫迷,卡通與漫畫是童年唯一的娛樂,「小學時都同幾個同學仔夾份,夾錢買。多數放喺朋友屋企,有時放假或放學後,都會上去佢屋企睇」。小學生時期,一星期得五元零用錢,古妮坦言會將僅有的錢儲起去買新出的漫畫,「唔食都要為了買本書,如果一個月出兩本書,咁點算?可能有同學多啲零用,就會出大份啲,我們每人就夾5元10元買一本書」。回想往事,她仍然記得,第一本購買的漫畫是《亂馬1/2》。

古妮家中仍存放著第一套自己儲的漫畫,「《3x3 Eyes》,那套書都儲到去30幾期」。屋企空間有限,中學時期,古妮會到漫畫店租書,成本低又不需要存積在家中,「那時住柴灣,一放學就會去(漫畫店)問有否新書、有咩書租」。男仔頭性格的她指,自己不愛少女漫畫,一直喜歡恐怖與偵探類的書,「都唔知自己點解要嚇自己,尤其是夜晚睇,都幾得意的」。租書還書,漫畫陪著古妮整個中學時期。

直到出身工作,開始有經濟能力,令她開始「想儲番自己嘅書」,怎料熟悉的漫畫店已經執笠,甚至整個柴灣都已沒有漫畫店,「發現原來要跨區,要去到筲箕灣」。她亦發現漫畫店開始沒落,「原來最興起時,香港有200多間租書店,到我知的時候,得番60多間」。當時,她開始在網上買二手書,不少是書店結業時的書,古妮買下幾間小店的漫畫,只希望被棄的漫畫書不會變成垃圾。

漫畫愈儲愈多,五年前,她決定自己開店,將藏書與客人分享,「起碼令葵涌這個地方,有地點租漫畫睇」。數年來,全店由她一腳踢,只希望大家再次拎起實體漫畫,「開心嘅,返來見到佢哋,起碼佢哋唔會去咗廢紙店或者變垃圾。每一個上到來,唔知作者係邊個,但都會拎上手睇吓」。

撰文:黎雅婷

攝影:葉漢華

更多 壹週Plus 文章

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載