› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

【大學畢業做乜好?】求職平台創辦人醒你兩招 「僱主最著重唔係你讀乜科」

3681
建立時間 (HKT): 0718 06:00

香港現有超過一百四十萬個大學學士畢業生,名符其實「一個招牌跌落嚟,唔知壓死幾多個」。求職平台FreshLinker創辦人Andy表示,「一街都係大學生,競爭大咗,你唔可以要求一畢業就幾錢人工,過多幾年就要成為manager。其實個競爭太多,呢件事已經無一個好structured嘅path俾你行。」

求職不必與就讀本科相關

FreshLinker與傳統求職平台有別,除了提供網上職業配對外,也提供線下活動,透過工作坊、比賽等,加強僱主與求職人士的互動及溝通。另一創辦人York憶述,自己決定創立平台源自自身的求職經歷。他二○一三年在中大化學系畢業,畢業前曾打聽師兄師姐的工作出路,總離不開藥廠、政府化驗所或投身教育。

他試過寄履歷到相關公司,最終獲一間本地藥廠聘請,做了一段時間卻發現個人興趣並不在化學,而且每天要處理很多行政工作,例如儀器矯正及寫報告等。他跟朋友聊天,才發現原來很多人都在入職後發現自己對行業不了解,對工作沒興趣。

平台成立了接近兩年,曾替過萬名大學生申請職位,網站上有超過八千個招聘廣告,York發現香港部份行業空缺有限,「持有大學畢業嘅畢業生其實係越嚟越多嘅,所以我覺得而家嘅年輕人搵工,其實唔應該局限於睇自己讀乜而去搵邊一類型嘅工,因為香港嘅行業分佈其實好唔平均,如果你話讀science嘅全部都係搵做science嘅工,其實無咁多職位空缺俾佢哋。」所以,他認為畢業生的興趣及個人強項反而更重要。

然而,很多畢業生仍停留在傳統的思維,堅持畢業後的工作要與大學本科相關,「佢哋覺得唔想嘥咗自己個degree,唔想覺得嘥咗自己嗰三年嘅經驗。」Andy解釋,在他們接觸過的僱主當中,更多人著重畢業生的溝通能力和態度,大學所讀學科及成績反而是其次。

採訪:羅霈潁
攝影:莫智謙

相關連結:
【大學畢業做乜好】地理系畢業賣波鞋 店主唔理家人反對:做到被淘汰先算
http://bit.ly/2vbkaMr

更多 壹週Plus 文章

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載