› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 

【Startup】想入Google FB打工 90後求職平台老闆教你點面試打大佬

16137
建立時間 (HKT): 0123 06:00

眾裡尋「它」千百度,尋找一份合適的工作跟覓得愛侶一樣難;而每次的工作面試,也好比跟心儀對象約會一樣來得膽戰心驚。今年廿四歲的陳謹熙(Taylor)於科大環球商業管理學系畢業,過五關斬六將後成功加入跨國諮詢公司,擔當商業諮詢顧問。

泊得好碼頭、被視為成功例子的他卻毅然辭職,成立P2P(個人對個人)求職顧問平台 - XpRelay。期後更找來中學師弟、現為港大國際商業及環球管理二年級生的「小鮮肉」倪兆宗(Elvis)加入,望助同輩取經突圍,尋得好工。

我點sell? 取經實戰打大佬!
「好多時新一代都知第一份工唔會係佢地最後一份工同唯一一份工。」說的不單是Taylor對大學生的觀察,其實更像他個人的取態。一年前放棄四萬月薪的工作,偏向創業虎山行,第一反對的當然是家人。「如果我同佢地講我做生意,係開一間餐廳或係賣衫的話,佢地可能會較易接受,但而加佢地認為我冒嘅險太大。」

其指上一代人以覓得一份「連經濟差時也不會被炒」的工為目標,但這一代已早早改變了。「佢地著重嘅係工作本身會帶嚟咩快樂,所以Google及Facebook呢類新型、工作環境唔錯嘅公司會受歡迎。」

平台目前提供一般諮詢、改履歷表和求職信及模擬面試三種服務,最特別是在不同公司招請顧問,提供意見,讓求職者更了解心儀公司所需。現時大約有二百多個顧問,主要的行業包括投資銀行、於大企業任管理培訓生,一些顧問公司、市場推廣公司以及科技的公司也有。

故服務收費由顧問自定,由三百至五百元一節不等,交易成功後平台則會分別向顧問和用戶收取當中兩成及一成作服務費。「每一個人出嚟做野後,會有八萬個工作小時,所以做咩工係好重要。」

正值大學黃金時期、今年只有二十歲的Elvis直言投身搞XpRelay是他對工作的選擇;但非每位學生對自身前途也如此清晰。「好多人都係透過篩選嘅方式去選擇工作,個樣唔做呢樣唔做後就以為剩下嘅就想做。」Taylor指不少學生對很多熱門的行業只採「人報我有報」的策略,但對實際工作毫不了解。「呢個平台,正正希望佢地了解到有關行業嘅真正景況,而唔係單純靠道聽途說。」

採訪:黃綺敏
攝錄:關永浩、梁正平

更多 壹週Plus 文章

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載