› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2015年01月06日

【直擊矽谷人】贏過輸過
港男踏上矽谷這條路

21,122
最後更新: 0106 13:25 / 建立時間 (HKT): 0106 10:01

不少創業家都有個「矽谷夢」,而港人陳文軒(Simon),去年就與人合伙,於矽谷成立PredictionIO。他三度創業,在旁人眼中他是冒險家。不過他認為,創業家的根本精神卻是「避險」。

創業過程風險重重,然而Simon卻不特別喜歡冒險,「其實創業家最鍾意係解決問題,所以我哋就要做唔同實驗,用最低成本去減低、解決過程中遇到嘅風險。」

PredictionIO通過開發開放源碼機器學習平台,令一般開發者,亦能為自己的產品加入人工智能技術。公司於去年7月新一輪集資中,籌得近2000萬元。算是在矽谷站隱住腳。

搞唔掂「蛙爪」 離場止蝕

今日Simon能成為矽谷人,絕對有賴過去失敗的創業經驗令他醒覺,知道「唔熟唔做」。Simon自於美國密歇根大學畢業後,曾成立網上導師平台,獲不錯成績,及後因簽證問題,決定賣盤兼回流香港。

然後再創立網上社交平台「蛙爪」,起初發展不俗,更曾將業務複製至廣州,「去到先發現原來香港個模式喺當地唔Work,於是好辛苦搞咗幾年後就唔搞。」一方面對市場並不熟識,加上07年金融海嘯,「蛙爪」宣告失敗告終。

不少創業家都會以香港測試產品市場,Simon作為過來人,他指出香港市場太獨特、太細,如果希望產品最終能全球化,「寧願一開始辛苦啲,好似aNobii、EditGrid咁,一開始就打外國市場。如果成功的話,就好易擴張出去。」

有人說創業要堅持,但Simon最終決定放棄重新出發。被問到如何判斷「分手斬纜」的時機,他認為「當你發現你最初想解決嘅問題,有人已用更好嘅方法解決咗,或個問題已經唔再係問題,咁你就應該要放棄。」

寄語港創業家 認清真正對手

飄洋過海到矽谷,Simon認為是值得。一方面公司業務主打新科技,當地新公司較多,客源較廣;同時當地有不同類型的投資者,獲注資機會較大;至於創業氣氛亦為一大原因。

當地重視創業傳承,上一輩創業家均願意分享創業心得,「好多時面對面傾,你先有靈感。」同時,當地有大量Co-working Space,可隨時與其他創業家互相交流,被問到會否怕被「抄橋」,他不以為然,認為成功的重點不在於「橋」,而在於執行方法,再者「你嘅對手應該係大公司,而唔喺細公司之間互鬥。與其喺細Pool互相攻擊,不如大家互相幫助,令大家都生存到。」

記者:倪敏慧
攝影:方智傑

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載