› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年05月12日

【壹週刊健康】認識ADHD》腦裡有嘭嘭聲乜都喊
前記者抗抑鬱成功

9,051
建立時間 (HKT): 0512 13:00

人生路不順,你以為是命運使然?如若追溯童年經歷,可能已經有跡可尋,一切都是腦袋出了問題。李小姐唸幼稚園時,性格比別的孩子衝動,曾為了搶奪山楂餅而咬同學,又試過在走廊失控跑圈而暈倒,可是家長和老師都沒特別注意。此後成長,李小姐自覺沿路滿是挫折,終於在三十二歲因抑鬱症求診,才由醫生解開半生疑團。

李小姐求學時,儘管明白老師所教與課本的內容,但腦裡彷彿常有嘭嘭聲,令她無法清醒地整合,導致成績與能力不成正比,從小已經充滿挫敗感。她長大後投身傳媒界,縱有諗頭,但寫稿時只得概念與枝節,欠缺主幹,無法流暢地以起承轉合的方式表達內容,拖延很久才能完成。「我好想寫好份稿,但時間唔夠,因為我難以將資料按先後次序排列。」李小姐每次寫稿,開頭總有很多想法,但難以專注完成,結果虎頭蛇尾,上司亦覺得她在「揼波鐘」。

「第一次打工時,上司吩咐我將要做嘅事情寫喺便條,貼喺電腦,我仲唔知自己有咩問題。」加上記者這行人手不足,李小姐常常一個人頂三個人的工作,令她更感難以應付。

腦不停轉常失眠
本來李小姐性格感性,有次她採訪一個賺人熱淚的故事時,竟然沒有半點感覺;終於在男朋友的鼓勵下,她決定向精神科醫生求診。「醫生話我係抑鬱症,但佢追問我過往經歷後,先發現我係專注力不足及過度活躍症(ADHD),而抑鬱症係ADHD嘅共病。」在醫生安排下,李小姐先處理抑鬱症,再服用專注力不足的藥物。「以往我必須飲咖啡才可以集中精神,食藥後已經唔需要咖啡。工作時精神比以前集中,可以次序分明咁處事。而且我好清楚自己需要乜,唔再拖延時間。」李小姐從前常常不開心及哭泣,無法自制。「腦不停咁轉,令我無法安靜,經常失眠,依家再無咁樣。」

知道問題根源後,李小姐除了積極接受治療,同時銳意改變生活。「大半年前我開始禪跑,每次打坐後才跑步。雖然生活仍有麻煩事,但禪跑可以幫我忘憂。」控制好ADHD後,李小姐的情緒穩定了許多,就算遇到困難,都可堅強面對。

「最近幾個月已經毋須覆診,可以自己處理情緒。」回想從前,李小姐對未來只能得個諗字,無從入手;現在她頭腦清晰了,對人生可以有更多規劃。「雖然覺得自己好遲先起步,但最重要係能夠糾正行為。」

精神科醫生傅子健是李小姐的主診醫生,他指醫學界從前認為ADHD是兒童病,後來發現有三分二病人的症狀持續至成人。「過往十年,愈來愈多人關注成人患者嘅問題,直至二○一三年,美國嘅《精神疾病診斷與統計手冊》先確認成人ADHD係疾病嘅一種。」

撰文:王家瑜
攝影:鄭樹清

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載