› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2014年07月07日

聖公會大主教鄺保羅嘲諷7.2被捕市民:不如帶埋菲傭去囉

109,470
建立時間 (HKT): 0707 21:28
鄺保羅去年已表明不贊成市民以佔中爭取2017年實行普選,更稱普選不是靈丹妙藥。(資料圖片)

警方7月2日凌晨於中環清場,抬走逾500名參與和平集會的市民,並拘留在黃竹坑警校,有人投訴缺乏食水和食物,又指警方不讓上廁所。聖公會大主教鄺保羅在講道時,嘲諷被捕人士「不如叫佢帶埋菲傭去囉」,又批評「而家啲人心靈沒平安、佢哋個腦完全唔識得分析」。他鼓勵教友應學習耶穌基督「默默無聲」。

香港聖公會聖保羅堂網站上載一段「講道重溫」,是鄺保羅大主教於7月6日一場講道,錄音全長17分31秒,近半內容是批評香港社會的抗爭聲音,指「我唔相信如果耶穌基督喺立法局(立法會)會好似有啲議員咁乜嘢都掟......用呢啲咁不理性嘅暴力去表達」。

鄺保羅又表示,近年經常有教友向他或教會領袖表達要抗爭和發聲,他以重語氣反問:「唔知出咁多聲做乜?好似唔出聲就冇機會、啞㗎啦咁。」鄺保羅援引《以賽亞書》,指耶穌猶如一隻被殺羔羊「默默無聲」,聲稱:「有陣時唔一定要出聲嘅,無聲勝有聲。」

鄺保羅又提到有教友反對發展新界東北,又稱香港「冇哂自主」,但他一一反駁,指不相信發展新界東北所有住宅單位都只會給予內地人,稱「佢哋都要用錢買」,又說:「香港幾時有自主呀?香港係高度自治㗎咋。」

鄺保羅表示絕對同意香港有很多問題,但不至於「壞得咁緊要」,只是港人「羊群心理」,覺得「唔行就冇得行㗎啦、唔出聲就冇得出聲㗎啦」。

他鼓勵教友要學習耶穌基督,內心要有「平和安寧」,自會處變不驚、懂得分析,「我哋基督徒應該係咁」。

聖公會鄺保羅大主教講道重溫:
http://bit.ly/1odQnXA

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載