› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月12日

【李八方online】楊岳橋結婚了!新娘子是誰?

205,607
最後更新: 0112 19:41 / 建立時間 (HKT): 0112 00:03

公民黨黨魁楊岳橋(AY)好多粉絲,八方要送上一個可能令女fans傷感嘅消息,就係AY已經名草有主,事關AY去年底求婚成功,女友應承結婚,即係AY會離開「獨男」行列。去年選舉後AY與娥姐「合照」網上瘋傳,好多人關心AY感情狀況,AY老友堅拒向八方「起底」準楊太,只係話係律師,兩人識咗幾年,拍拖唔係好長時間咁話。

據八方收到消息,35歲嘅岳少與年紀差唔多、本身係事務律師嘅女朋友Eve訂婚,計劃明年底結婚。岳少話屆時未必會擺酒,「因為我個人低調,好怕擺酒,唔想鋪張」。至於會否旅行結婚,岳少話一切未有定案,因為呢排真係忙到癲。

岳少同佢Eve嘅「紅娘」,大家都識㗎,佢就係公民黨立法會議員郭榮鏗。岳少話,係一次郭榮鏗搞嘅業界活動中,認識到同樣都係來自法律界嘅Eve。岳少話喺上個月30日嘅凌晨,佢喺雪地跪求女朋友嫁畀佢,因為當時佢同女友去咗挪威同瑞典旅行,選擇喺睇北極光時下跪,最終得米,當時睇唔睇到北極光已經唔再重要。

岳少話,女朋友係政治圈外人,作風低調,絕少現身於鏡頭之中,平日喺公開場合都係遠距離睇住佢。岳少又話,婚後唔打算生小朋友,想繼續享受二人世界。佢無透露幾時係好日子,相信係要同家人商量,可能要低調啲。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載