› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年03月17日

【特首選戰】基層約見慘被放飛機 林鄭競選辦:林太攰唔想去天水圍咁遠

80,650
建立時間 (HKT): 0317 19:24

特首候選人林鄭月娥原本答應周六下午到天水圍,與包括撐‧基層墟市聯盟、監察公營街市發展聯盟在內17個基層團體會面,討論她在政綱內提出發展社區墟市政策和領展管理問題。不過,團體代表下午忽然接獲林鄭競選辦通知,指林鄭近日「比較攰,唔想去咁遠」,臨時決定「甩底」。一眾街坊對林鄭「放飛機」感到非常憤怒及遺憾,並質疑林鄭想解決領展問題的決心。

林鄭競選辦回覆查詢時證實,因近日競選工作行程緊密,「林太呢兩日比較攰,唔想去天水圍咁遠,想畀佢多啲時間休息」,但其實林鄭明日預定還會出席3場活動,包括上電台節目、到建築測量界選舉論壇,以及與新民黨成員會面。競選辦指,已致電向有關團體解釋決定,並相約對方下周改到位於灣仔的競選辦附近會面,暫時未有確實時間安排。

監察公營街市發展聯盟陳淑淇回應時指,今次會見早於2月底已發出邀請,雙方原本商量好本月8日會面,「但到8號打嚟話有事要改期,又無交待原因」,會面才改至本周六進行,不料林鄭再次請基層「食檸檬」。她稱活動原定包括與街坊會面、到其中一個屋邨廣場參觀,以及到訪由領展管理的天澤街市3個環節,預計歷時兩小時,日前亦曾與對方競選辦成員實地考察過,當時對方只提出要將行程縮減至1.5小時,並無提及林鄭可能不會出席。

陳稱,林鄭競選辦有提出下周改到灣仔會面,但即使天水圍、東涌街坊不介意長途跋涉到灣仔,都不等於見面能順利進行,「話見競選團隊1.5至2小時應該無問題,但問林鄭係咪都會喺度,佢即刻話『無可能』,問見林鄭一個鐘得唔得,佢都唔敢講實!」再三被拒見,陳坦言「我哋都有質疑佢有提領展嘅問題,雖然寫咗落政綱,但會唔會係有頭威、無尾陣?係咪虎頭蛇眉呢?呢件事真係令我哋比較失望。」

記者:賴莉娜

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載