› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年04月22日

邊揸電車邊玩手機 車長被前TVB主播拍片上網遭炒魷

212,424
最後更新: 0422 13:44 / 建立時間 (HKT): 0422 00:10

無綫新聞前主播黃大鈞在周一(17/4)在facebook上載一段短片,稱乘搭電車時看到一名車長於行車時,一邊單手操作儀器,一邊使用智能手機,並以手寫輸入法打字發送訊息,不時要低頭查看手機,不顧路面情況。黃大鈞斥車長行為不負責任,「一邊揸電車一邊打message,唔通個司機問緊路?」。

事隔數天後,今有網民在fb專頁「香港電車迷」上透露,被拍攝的電車車長因在行車途中擅用手機已被解僱。黃大均轉發有關帖文,澄清並無向電車公司投訴,不過對司機違解僱不感到可惜,亦不會後悔把片段上載到網絡,「始終揸車玩手機,即係攞乘客及其他道路使用者嘅命仔嚟玩」。有網民力撐黃大鈞,「成車人條命在車長手」,理應向電車公司投訴。惟有網民認為應給予對方機會,直接遭解僱是罰得太重,亦有人稱應以其他方法更正車長行為,不應進行網絡公審,「又唔一定下下拍片之後就放上網,依家車長飯碗冇左,個心都唔安樂喇」。

電車公司發言人指,確認涉事司機現時已非電車公司員工,但基於私隱問題不便披露更多細節,強調公司所作的決定均按員工相關指引及守則處理。

【網民咁睇】
Lee Kk:個車長係唔啱架喇,不過仲有方法去更正果位車長既,又唔一定下下拍片之後就放上網,依家車長飯碗冇左,個心都唔安樂喇
關錫健:可能電車路線大多數直來直往,間中轉吓彎,路線咁多年無大改變,司機按本子辦事,做三十六,唔做也三十六,玩吓機,解吓悶囉!
AshaRoy Hui:X你份工係會影響到人地安全, 甚至係有人命係手,玩電話就梗係唔X得啦~ 咁都仲有得拗架?
Ann Wong:有冇搞錯呀!成車人嘅生命呀!舉報佢啦

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載